Rohit Kohli ODI Captaincy: టీ20 ప్రపంచకప్ ముగిశాక ఈ ఫార్మాట్ కెప్టెన్సీ నుంచి తప్పుకొన్నాడు టీమ్ఇండియా టెస్టు సారథి విరాట్ కోహ్లీ. ఈ బాధ్యతల్ని రోహిత్ శర్మకు అప్పగిస్తూ నిర్ణయం తీసుకుంది బీసీసీఐ. అయితే వన్డే కెప్టెన్నీని కూడా హిట్మ్యాన్కు ఇవ్వాలని బోర్డుతో పాటు పలువురు అభిప్రాయపడుతున్నారు. కోహ్లీ బ్యాటింగ్లో సరిగ్గా రాణించలేకోపోతుండటం, తన ఫామ్పై తిరిగి దృష్టిసారించడం కోసం అతడిని పరిమిత ఓవర్ల కెప్టెన్సీ నుంచి తప్పించాలని అనుకుంటున్నట్లు తెలుస్తోంది. త్వరలో ప్రారంభమయ్యే దక్షిణాఫ్రికా సిరీస్లోనే రోహిత్కు సారథ్య బాధ్యతలు అప్పగించాలని వారు చూస్తున్నట్లు సమాచారం. తాజాగా దీనిపై స్పందించిన ఓ బీసీసీఐ అధికారి.. ఈ విషయంపై కోహ్లీ, రోహిత్తో మాట్లాడి స్పష్టతకు వస్తామని వెల్లడించారు.
"వన్డే కెప్టెన్సీ అనేది సున్నితమైన అంశం. ప్రస్తుతం టీ20 కెప్టెన్గా ఉన్న రోహిత్ శర్మకు వన్డే సారథ్యం కూడా అప్పజెప్పాలనే ఆలోచన ఉంది. ఇందుకోసం కోహ్లీతో సెలెక్టర్లు చర్చించాలని భావిస్తున్నారు. అలాగే ఈ విషయంలో రోహిత్ కూడా క్లారిటీ కావాలని భావిస్తున్నందువల్ల.. అతడితోనూ సెలెక్షన్ కమిటీ చర్చలు జరుపుతుంది."
-బీసీసీఐ అధికారి
IND vs SA Series: దక్షిణాఫ్రికా పర్యటన డిసెంబర్ 26 నుంచి మొదలుకానుంది. ఇరుజట్ల మధ్య ముందుగా మూడు టెస్టుల సిరీస్ జరగనుంది. ఇందుకోసం బుధవారం జట్టును ప్రకటించనుంది టీమ్ఇండియా సెలెక్షన్ కమిటీ. కొద్దిరోజుల తర్వాత వన్డే సిరీస్కు జట్టును ప్రకటించనున్నారు.
