టీమ్ఇండియా వికెట్కీపర్ రిషబ్ పంత్.. టెస్టుల్లో 1500 పరుగుల మైలురాయిని అందుకున్నాడు. అత్యంత వేగంగా ఈ ఘనత సాధించిన భారత వికెట్ కీపర్గా ఘనత సాధించాడు. దీంతో మహేంద్ర సింగ్ ధోనీని అధిగమించాడు పంత్. 42 ఇన్నింగ్స్ల్లో పంత్ ఈ మార్క్ను అందుకోగా.. ధోనీ 50 ఇన్నింగ్స్లు తీసుకున్నాడు.
కోహ్లీ మరోసారి
టెస్టుల్లో మొయిన్ అలీ బౌలింగ్లో ఆరోసారి ఔట్ అయ్యాడు కెప్టెన్ విరాట్ కోహ్లీ. ఇప్పటి వరకు నాథన్ లైయన్, జేమ్స్ అండర్సన్ బౌలింగ్లో ఏడు సార్లు పెవిలియన్ చేరిన విరాట్.. ఆ తర్వాత మొయిన్ అలీ బౌలింగ్లోనే ఎక్కువ సార్లు ఔట్ అయ్యాడు. ఇంగ్లాండ్తో నాలుగో టెస్టు రెండో ఇన్నింగ్స్లో 44 పరుగుల వద్ద అలీ బౌలింగ్లో ఓవర్టన్కు క్యాచ్ ఇచ్చి వెనుదిరిగాడు.
రహానె చెత్త రికార్డు
అంతకుముందు 8 బంతులాడి డకౌట్ అయిన అజింక్య రహానె.. ఓ చెత్త రికార్డును మూటగట్టుకున్నాడు. కేవలం ఇంగ్లాండ్పైనే 9 సార్లు డకౌట్ అయిన బ్యాట్స్మన్గా నిలిచాడు. తన కెరీర్లో మిగిలిన అన్ని జట్లపై కలిపి కేవలం 8సార్లే డకౌట్ అయ్యాడు. ఇక ది ఓవల్లోనే డకౌట్ అవడం ఇది మూడోసారి.
ఇదీ చూడండి: Ind vs Eng: కష్టాల్లో భారత్.. లంచ్ విరామానికి 329/6
