IPL 2022 Ranveersingh, AR Rahman: కరోనా వల్ల గత రెండేళ్లుగా ఐపీఎల్ ఆరంభ, ముగింపు వేడుకలను నిర్వహించని బీసీసీఐ.. ఈ సీజన్ ముగింపు వేడుకలను ఘనంగా నిర్వహించాలని సన్నాహాలు చేస్తున్నట్లు తెలిసింది. ఆస్కార్ విజేత ఏఆర్ రెహ్మాన్, స్టార్ హీరో రణ్వీర్ సింగ్లతో ఓ ప్రత్యేక కార్యక్రమాన్ని చేయించేందుకు ప్లాన్ చేస్తున్నట్లు తెలిసింది. మే 29న జరిగే ఫైనల్ మ్యాచ్కు ముందు 45 నిమిషాల పాటు ఈ ప్రోగ్రాం జరగనుందట.
దీంతోపాటు టీమ్ఇండియా కెప్టెన్లుగా వ్యవహరించిన వారందరినీ ఘనంగా సత్కరించాలని భావిస్తున్నట్లు తెలిసింది. అలాగే భారత క్రికెట్ ప్రస్థానానికి సంబంధించి ఓ ప్రత్యేక డాక్యుమెంటరీని కూడా రూపొందించారని, దాన్ని ఈ వేడుకలో ప్రదర్శిస్తారని సమాచారం. కాగా, ప్రస్తుతం ఐపీఎల్లో ప్లే ఆఫ్స్ బెర్తుల కోసం ఉత్కంఠగా మ్యాచులు సాగుతున్నాయి. ప్లే ఆఫ్స్కు చేరబోయే నాలుగు జట్లలో.. గుజరాత్ టైటాన్స్ తొలి బెర్తు కన్ఫార్మ్ చేసుకోగా, మిగిలిన మూడు స్థానాల కోసం తీవ్ర పోటీ నెలకొంది.
ఇదీ చూడండి: 100 మీటర్ల హర్డిల్స్లో 'తెలుగమ్మాయి' జాతీయ రికార్డు
