Ramiz Raja Commentary On Babar Azam : బాబర్​ అంటే చాలా ఇష్టం.. అతడిని పెళ్లి చేసుకుంటా : రమీజ్​ రజా

Ramiz Raja Commentary On Babar Azam : పాకిస్థాన్​ కెప్టెన్ బాబర్ అజామ్​పై.. పాక్​ క్రికెట్ బోర్డు మాజీ ఛైర్మన్ రమీజ్ రజా సంచలన వ్యాఖ్యలు చేశాడు. బాబర్ అంటే తనకు చాలా ఇష్టమని.. తనను పెళ్లి చేసుకోవాలని ఉందని అన్నాడు. ఈ వ్యాఖ్యలపై నెటిజన్లు ట్రోల్స్​ చేస్తున్నారు.

Ramiz Raja Commentary On Babar Azam : పాకిస్థాన్ స్టార్ బ్యాటర్​ బాబర్ అజామ్​పై.. పాక్​ కికెట్​ బోర్డు​- పీసీబీ మాజీ ఛైర్మన్ రమీజ్​ రజా వింత వ్యాఖ్యలు చేశాడు. బాబర్ అంటే తనకు చాలా ఇష్టమని.. తనను పెళ్లి చేసుకోవాలని ఉందని అన్నాడు. రమీజ్​ చేసిన వ్యాఖ్యలపై ప్రస్తుతం సోషల్ మీడియాలో విపరీతంగా ట్రోలింగ్​ జరుగుతోంది.

అసలు ఏం జరిగిందంటే?
బాబర్​ అజామ్​.. ప్రస్తుతం జరుగుతున్న లంక ప్రీమియర్​ లీగ్​లో కొలంబో స్ట్రయికర్స్‌ జట్టుకు ప్రాతినిథ్యం వహిస్తున్నాడు. సోమవారం గాలో టైటాన్స్​ టీమ్​తో జరిగిన మ్యాచ్​లో కొలంబో సారథి బాబర్​ అద్భుత ప్రదర్శన చేసి.. సుడిగాలి శతకం బాదాడు. 59 బంతుల్లో 104 పరుగులతో విధ్వంసకర ఇన్నింగ్స్‌ ఆడాడు.

అయితే, ఈ మ్యాచ్​కు పాకిస్థాన్ క్రికెట్‌ బోర్డు మాజీ ఛైర్మన్‌ రమీజ్‌ రజా కామెంటరీ చేశాడు. ఈ క్రమంలో బాబర్‌ అజామ్​ విధ్వంసకర ఇన్నింగ్స్​ను కొనియాడాడు. "అద్భుతం.. క్లాస్,​ క్వాలిటీ, సెక్యూరిటీ కలిసి ఉన్న ఫిఫ్టీ. ఇలాంటి పరిస్థితుల్లో ఎవరైనా ఆధారపడగలిగిన ఆటగాడు అతడు. నేను అతడిని చాలా ప్రేమిస్తున్నాను.. అవును, అతడిని పెళ్లి చేసుకోవాలని అనుకుంటున్నాను" అని వ్యాఖ్యానించాడు. ప్రస్తుతం రజా చేసిన వ్యాఖ్యలు నెట్టింట వైరల్​గా మారాయి. నెటిజన్లు రమీజ్​ రజాను ట్రోల్ చేస్తున్నారు.

• HE REALLY SAID THAT😭 pic.twitter.com/BfFXicISpa

  — faamia (@papukashmiri1) August 7, 2023 " class="align-text-top noRightClick twitterSection" data="

  HE REALLY SAID THAT😭 pic.twitter.com/BfFXicISpa

  — faamia (@papukashmiri1) August 7, 2023

  ">

  HE REALLY SAID THAT😭 pic.twitter.com/BfFXicISpa

  — faamia (@papukashmiri1) August 7, 2023

చెలరేగిన బాబర్​ అజామ్..
Lanka Premier League 2023 : గాలే టైటాన్స్​ విధించిన 189 పరుగుల లక్ష్యంతో బరిలోకి దిగింది కొలంబో జట్టు. ఓపెనర్ నిస్సాంక (54) హాఫ్​ సెంచరీతో చెలరేగాడు. మరో ఓపెనర్ బాబర్ అజామ్ (104) విధ్వంసకర ఇన్నింగ్స్ ఆడి శతక్కొట్టాడు. 8 ఫోర్లు, 5 సిక్సర్లు బాది టీ20 ఫార్మాట్‌లో మొత్తంగా 10 సెంచరీలు చేసిన రెండో బ్యాటర్‌గా నిలిచాడు. వెస్టిండీస్‌ లెజెండ్‌ క్రిస్‌ గేల్‌ తర్వాతి స్థానాన్ని అధిగమించాడు. దీంతో ఒక్క బంతి మిగిలి ఉండగానే విజయం సాధించింది కొలంబో.

ఉంతకుముందు టాస్​ ఓడి బ్యాటింగ్​కు దిగిన గాలే టైటాన్స్​తో నిర్ణీత 20 ఓవర్లలో 3 వికెట్ల నష్టానికి 188 పరుగులు చేసింది. ఓపెనర్లు లసిత్ క్రాస్​పుల్లే (36), శివావ్ డానియెల్ (49) అద్భతంగా ఆడారు. ఆ తర్వాత వచ్చిన రాజపక్ష (30), సిఫెర్ట్ (54*), శనక (6*) చెలరేగి స్కోర్​ బోర్డును పరుగెత్తించారు. ఇక, కొలంబో బౌలర్లలో నసీం షా, మెండిస్, సందకన్ ఒక్కో వికెట్ పడగొట్టారు.