దుమ్మురేపిన రాహుల్ కొడుకు- కవర్ డ్రైవ్​లకు ఫ్యాన్స్​ ఫిదా- వీడియో చూశారా?

Rahul Dravid Son Samit Viral Video : భారత క్రికెట్ జట్టు హెడ్​ కోచ్​ రాహుల్ ద్రవిడ్ పెద్ద కుమారుడు సమిత్ ద్రవిడ్ తండ్రికి తగ్గ తనయుడు అనిపించుకుంటున్నాడు. కూచ్ బిహార్ టోర్నీలో కవర్​ డ్రైవ్​లతో అదరగొడుతున్నాడు. ఆ వీడియో చూశారా మీరు?

Rahul Dravid Son Samit Viral Video : టీమ్​ఇండియా హెడ్​ కోచ్​ రాహుల్​ ద్రవిడ్ పెద్ద కుమారుడు సమిత్ ద్రవిడ్ కూచ్ బిహార్ ట్రోఫీ క్రికెట్ టోర్నమెంట్​లో అదరగొడుతున్నాడు. తన షాట్లతో అద్భుతమైన ప్రదర్శన కనబరుస్తున్నాడు. ఈ టోర్నీలో కర్ణాటక తరఫున ఆడుతున్న సమిత్​, జమ్ముకశ్మీర్​లో జరిగిన మ్యాచ్​లో తన బ్యాటింగ్​తో అలరించాడు.

ఈ మ్యాచ్​ తొలి ఇన్నింగ్స్​లో 159 బంతులు ఆడాడు సమిత్ ద్రవిడ్. 13 ఫోర్లు, 1 సిక్సర్‌తో 98 పరుగులు సాధించాడు. అద్భుతమైన కవర్​ డ్రైవ్​లతో ఆకట్టుకున్నాడు. కొన్ని కవర్ డ్రైవ్​ షాట్​లు అతడి తండ్రినే తలపించాయి. ప్రస్తుతం సమిత్‌ బ్యాటింగ్‌కు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇది చూసిన నెటిజన్లు తండ్రికి తగ్గ తనయుడు అని కొనియాడుతున్నారు.

• Samit Dravid, Rahul Dravid’s son, at Jammu while playing for Karnataka in Cooch Behar Trophy (U19) against J&K. He made 98 runs in Karnataka’s easy win.
  
  📹: MCC Sports pic.twitter.com/t7EQSro023

  — Mohsin Kamal (@64MohsinKamal) December 20, 2023 " class="align-text-top noRightClick twitterSection" data="

  Samit Dravid, Rahul Dravid’s son, at Jammu while playing for Karnataka in Cooch Behar Trophy (U19) against J&K. He made 98 runs in Karnataka’s easy win.
  
  📹: MCC Sports pic.twitter.com/t7EQSro023

  — Mohsin Kamal (@64MohsinKamal) December 20, 2023

  ">

  Samit Dravid, Rahul Dravid’s son, at Jammu while playing for Karnataka in Cooch Behar Trophy (U19) against J&K. He made 98 runs in Karnataka’s easy win.
  
  📹: MCC Sports pic.twitter.com/t7EQSro023

  — Mohsin Kamal (@64MohsinKamal) December 20, 2023

కాగా ఇదే మ్యాచ్‌లో సమిత్‌ ద్రవిడ్‌ బౌలింగ్‌లో కూడా రాణించాడు. మూడు వికెట్లు పడగొట్టి ప్రత్యర్థి పతనాన్ని శాసించాడు. ఈ టోర్నీలో ఇప్పటివరకు ఐదు మ్యాచ్‌లు ఆడిన సమిత్‌ 280 పరుగులు చేశాడు. ఈ మ్యాచ్​లో జమ్ముపై 130 పరుగుల తేడాతో కర్ణాటక విజయం సాధించింది.

రాహుల్​ సింప్లిసిటీ
కొన్నిరోజుల క్రితం, ఈ టోర్నీలో భాగంగానే కర్ణాటక అండర్​-19 జట్టు ఉత్తరాఖండ్​తో తలపడింది. ఆ సమయంలో రాహుల్​ తన సతీమణి విజేతతో కలిసి కుమారుడి ఆటను చూసేందుకు మైసూర్ వడయార్ స్టేడియానికి వచ్చాడు. ఆ సమయంలో సింప్లిసిటీతో ఆకట్టుకున్నాడు రాహుల్.

మ్యాచ్​ జరుగుతున్న సమయంలో ప్రముఖుల కోసం ఏర్పాటు చేసిన గ్యాలరీలో కాకుండా సాధారణ వ్యక్తిలాగా తన భార్యతో కలిసి స్టేడియంలో మెట్లపై కూర్చొని కుమారుడి ఆటను చూశాడు. టీమ్ఇండియా హెడ్ కోచ్​ పొజిషన్​లో ఉండి కూడా మామూలు వ్యక్తిలా మెట్లపై కూర్చోని మ్యాచ్ చూడడం స్థానికంగా అందర్నీ ఆకర్షించింది.

'అందరు తల్లిదండ్రుల లాగే నేనూ నా కుమారుడి ఆట చూడడానికి వచ్చా. ఇందులో ఎలాంటి ప్రత్యేకత లేదు' అని రాహుల్ అన్నాడు. ఇక గ్రౌండ్​లో రాహుల్ కనిపించగానే ఫ్యాన్స్ సెల్ఫీల కోసం ఎగబడ్డారు. ఇక ద్రవిడ్ చిన్న కుమారుడు అన్వయ్ (14) కర్ణాటక అండర్-14 జట్టుకు కెప్టెన్​గా కొనసాగుతున్నాడు.