ICC ODI Team Rankings: ఐసీసీ పురుషుల వన్డే జట్టు ర్యాంకింగ్స్లో టీమ్ఇండియాను అధిగమించింది పాకిస్థాన్. ఇటీవలే ముల్తాన్లో వెస్టిండీస్ను క్లీన్స్వీప్ చేసిన దాయాదీ జట్టు.. తాజా ర్యాంకింగ్స్లో నెం.4కు చేరింది. దీంతో భారత జట్టు ఐదో స్థానానికి పడిపోయింది.
వెస్టిండీస్తో సిరీస్ ఆరంభానికి ముందు 102 పాయింట్లతో ఐదో స్థానంలో ఉంది పాక్. అయితే 3-0తో సిరీస్ను క్లీన్స్వీప్ చేయడం ద్వారా 106 పాయింట్లతో నాలుగో స్థానానికి ఎగబాకింది. దీంతో 105 పాయింట్లతో ఉన్న భారత్.. ఐదుకు పడిపోయింది.
గత కొన్నేళ్లుగా వన్డేల్లో అద్భుతంగా రాణిస్తోంది బాబార్ అజామ్ నేతృత్వంలోని పాకిస్థాన్. విదేశాల్లో ఇంగ్లాండ్ మినహా, స్వదేశంలో పర్యాటక జట్లపై పూర్తి ఆధిపత్యం ప్రదర్శించింది. అందులో జింబాబ్వే, దక్షిణాఫ్రికా జట్లపై 2-1 తేడాతో సిరీస్ విజయాలున్నాయి. ఇక 1998 తర్వాత తొలిసారి తమ గడ్డపై అడుగుపెట్టిన ఆస్ట్రేలియాను కూడా అంతే తేడాతో ఓడించింది పాక్.
ఇదీ చూడండి: టీమ్ఇండియాకు చావోరేవో.. సిరీస్పై సఫారీల కన్ను
