ఆంధ్రప్రదేశ్లో క్రికెట్ బెట్టింగ్లకు పాల్పడుతున్న నలుగురు వ్యక్తులను విశాఖ పోలీసులు అరెస్ట్ చేశారు. దుబాయ్ వేదికగా జరుగుతోన్న ఆరో ఎడిషన్ పాకిస్థాన్ సూపర్ లీగ్ మ్యాచ్లపై సదరు వ్యక్తులు బెట్టింగ్లు కడుతున్నట్లు స్పష్టం చేశారు. కమ్యూనికేషన్కు ఉపయోగించే పరికరాలను సీజ్ చేసినట్లు తెలిపారు.
అరెస్టయిన వారిలో కె. రవి కుమార్(అక్కయ్యపాలెం), టి. ధనుంజయ(సుజాత నగర్), ఎం. శివాజీ(శ్రీకాకుళం), వి. రాంబాబు(ఎంవీపీ కాలనీ)గా గుర్తించారు పోలీసులు. సీహెచ్. శ్రీనివాస్ అలియాస్ కేబుల్ శ్రీనును ప్రధాన నిందితుడిగా గుర్తించారు. అతడి ఆచూకీ లభ్యం కాలేదు. బెట్టింగ్ నిర్వహించడానికి నలుగురు వ్యక్తులను అతడు నియమించుకున్నట్లు తెలుస్తోంది.
సెటప్ బాక్స్తో పాటు 29 మొబైల్ ఫోన్లు, హెడ్ సెట్స్, సిమ్ కార్డులు, రెండు టీవీలు, రెండు ల్యాప్టాప్లు, ట్యాబ్, 5 ఖాతా బుక్లు, రౌటర్, కనెక్టర్, రూ.1590 నగదును పోలీసులు స్వాధీనం చేసుకున్నారు.
పాకిస్థాన్ సూపర్ లీగ్లోని క్వెట్టా గ్లాడియేటర్స్, పెషావర్ జల్మీ జట్ల మధ్య జూన్ 12న జరిగిన మ్యాచ్ సందర్భంగా.. నిందుతులు ఈ బెట్టింగ్లకు పాల్పడినట్లు పోలీసులు తెలిపారు.
ఇదీ చదవండి: WTC Final: 'కివీస్ను ఢీ కొట్టగల సత్తా భారత్ సొంతం'
