Pakistan Cricket Team In Australia : వీసా, పాస్పోర్ట్ సమస్యల కారణంగా పాకిస్థాన్ జట్టు చిక్కుల్లో పడింది. దీంతో సీనియర్ జట్టుతో ప్రయాణించాల్సిన టీమ్ డాక్టర్ ఆస్ట్రేలియాకు రాలేకపోయారు. మరోవైపు యూఏఈలో ఉన్న అండర్ 19 జట్టుకు ఇదే సమస్య తలెత్తడం వల్ల ఆ జట్టు మేనేజర్ లేకుండానే పయనమవ్వాల్సి వచ్చింది. అయితే ఈ విషయంపై పాకిస్థాన్ క్రికెట్ బోర్డు తాజాగా స్పందించిందని సమాచారం.
పాకిస్థాన్ క్రికెట్ బోర్డు ఇప్పటికే డాక్టర్ సలీమ్‌కు వీసా కోసం ప్రయత్నిస్తోందని, అది వచ్చిన వెంటనే ఆయన పెర్త్‌లో జరిగే మొదటి టెస్ట్ కల్లా ఆస్ట్రేలియాకు చేరుకుంటాడని అని పీసీబీకి చెందిన అధికారులు పేర్కొన్నారు. ఇక అండర్ 19 జట్టు మేనేజర్ విషయంలోనూ ఇదే ప్రయత్నాలు జరుగుతున్నట్లు సమచారం. ఆయన పాస్పోర్ట్ విషయంలో కొన్న ఇబ్బందులు ఉన్నాయని వాటిని త్వరలోనే సరి చేయనున్నారని తెలిపారు. అయితే పాకిస్థాన్ జట్టుకు చెందిన ఆఫ్ స్పిన్నర్ అర్బార్ అహ్మద్ కూడా వీసా సమస్యల కారణంగా ఆస్ట్రేలియాకు ఆలస్యంగా చేరుకున్నాడు.
వరల్డ్ కప్ టైమ్లోనూ..
World Cup 2023 Pakistan Team : అయితే గతంలోనూ పాకిస్థాన్ జట్టుకు ఇదే సమస్య తలెత్తింది. భారత్ వేదికగా జరిగిన వరల్డ్ కప్ కోసం పాకిస్థాన్ ఇక్కడికి రావాల్సి వచ్చింది. అయితే షెడ్యూల్ ప్రకారం ఆ జట్టు సెప్టెంబర్ 27న హైదరాబద్కు చేరుకుని ఆ తర్వాత సెప్టెంబర్ 29న హైదరాబాద్ వేదికగా న్యూజిలాండ్తో వార్మప్ మ్యాచ్ ఆడాలి. కానీ పాక్ టీమ్కు భారత వీసాలు మంజూరు కాకపోవడం వల్ల దుబాయ్లో జరగాల్సిన బాండింగ్ సెషన్ రద్దు అయింది. దీంతో ఐసీసీ సీఈఓ జియోఫ్ అల్లార్డిస్కు పీసీబీ ఓ లేఖ రాసింది.
అందులో తమ జట్టు ప్లేయర్లకు, అధికారులకు, మీడియా ప్రతినిధులకు, అభిమానులకు వీసా మంజూరు విషయంలో తాము వ్యక్తం చేసిన ఆందోళలను మూడేళ్లుగా పరిష్కరించలేదని తెలిపింది. పాకిస్థాన్తో ఇలాంటి అవమానకరమైన ప్రవర్తన ఆమోదయోగ్యం కాదని చెప్పింది. ఆ తర్వాత పాక్ ప్లేయర్ల సమస్య పరిష్కారమై వాళ్లు భారత్ గడ్డపై అడుగుపెట్టారు.
'అందుకోసమే మేము లగేజ్ మోయాల్సి వచ్చింది' - షహీన్ అఫ్రిదీ క్లారిటీ
