ధోనీ తుపాన్ ఇన్నింగ్స్​.. నిరాశపరిచిన సచిన్​.. ఈ వీడియో చూశారా?

టీమ్​ఇండియా మాజీ కెప్టెన్​ ధోనీ తన కెరీర్​లో ఎన్నో సూపర్​ ఇన్నింగ్స్​ ఆడి జట్టుకు అద్భుత విజయాల్ని అందించాడు. అయితే అతడు ఆడిన ఓ తుపాన్​ ఇన్నింగ్స్​ నేటితో 17ఏళ్లు పూర్తి చేసుకుంది. దీంతో మహీ ఇన్నింగ్స్​ను గుర్తుచేస్తూ బీసీసీఐ ఓ స్పెషల్​ వీడియోను షేర్​ చేయగా.. అది ప్రస్తుతం సోషల్​మీడియాలో ఫుల్​ ట్రెండ్ అవుతోంది. లైక్స్​, కామెంట్స్​తో దూసుకెళ్తోంది. ఓ సారి మీరు చూసేయండి...

పదిహేడేళ్ల క్రితం.. సరిగ్గా ఇదే రోజు.. టీమ్​ఇండియా మాజీ కెప్టెన్​ మిస్టర్‌ కూల్‌ మహేంద్ర సింగ్‌ ధోని తన బ్యాటింగ్‌తో విధ్వంసం సృష్టించిన రోజు. లంక బౌలర్లపై విరుచుకుపడుతూ.. బౌండరీలు, సిక్సర్లతో చెలరేగిపోయాడు. 2005లో మహీ ఆడిన ఆ తుపాను ఇన్నింగ్స్​ను క్రికెట్​ ప్రేమికులు ఎప్పటికీ మర్చిపోలేరు. తాజాగా ఈ మ్యాచ్​ను గుర్తుచేస్తూ బీసీసీఐ ఓ వీడియోను పంచుకుంది. అది ప్రస్తుతం సోషల్​మీడియాలో లైక్స్​, రీట్వీట్స్​తో దూసుకుపోతోంది.

ఫుల్​ జోష్​తో.. అప్పుడు ఏడు మ్యాచ్​ల వన్డే సిరీస్​ కోసం శ్రీలంక.. భారత పర్యటనకు వచ్చింది. ఈ క్రమంలోనే రాజస్థాన్​ జైపుర్​లోని సవాయ్​ మాన్​సింగ్​ స్టేడియం వేదికగా టీమ్​ఇండియాతో తలపడింది. అప్పుడు ద్రవిడ్​ కెప్టెన్​గా ఉన్నాడు. అప్పటికే మొదటి రెండు మ్యాచ్‌లు గెలిచి జోరు మీదున్న భారత జట్టు పూర్తి ఆత్మవిశ్వాసంతో బరిలోకి దిగింది. అయితే, లంక ఓపెనర్‌ కుమార్‌ సంగక్కర సెంచరీ(138*), మహేల జయవర్దనే(71) చెలరేగడం వల్ల నిర్ణీత 50 ఓవర్లలో 4 వికెట్ల నష్టానికి 298 పరుగుల భారీ స్కోరు నమోదు చేసింది.

మహీ తుపాన్​ ఇన్నింగ్స్​.. నిరాశపరిచిన సచిన్.. ఈ క్రమంలోనే లక్ష్య ఛేదనకు దిగిన భారత జట్టుకు.. ఓపెనర్‌ వీరేంద్ర సెహ్వాగ్‌ 39 పరుగులతో శుభారంభం అందించాడు. కానీ మరో ఓపెనర్‌ దిగ్గజ క్రికెటర్​ సచిన్‌ తెందుల్కర్​ మాత్రం(2) పూర్తిగా నిరాశపరిచాడు. దీంతో వన్‌డౌన్‌లో బ్యాటింగ్‌కు వచ్చిన ధోని ఆకాశమే హద్దుగా చెలరేగి విధ్వంసం సృష్టించాడు.

145 బంతుల్లో 15 ఫోర్లు, 10 సిక్సర్ల తుపాన్ ఇన్నింగ్స్​ ఆడి.. 183 పరుగులతో ఆఖరి వరకు అజేయంగా నిలిచాడు. మహీ అజేయ ఇన్నింగ్స్‌కు తోడు.. కెప్టెన్‌ రాహుల్‌ ద్రవిడ్‌ 28 పరుగులతో రాణించడంతో 4 వికెట్ల నష్టానికి భారత్‌ 303 పరుగులు చేసింది. 23 బంతులు మిగిలి ఉండగానే 6 వికెట్ల తేడాతో ఘన విజయం సాధించింది. ఆ తర్వాత మరో మూడు మ్యాచ్‌లు కూడా గెలిచి సిరీస్‌ను 6-1 తేడాతో సొంతం చేసుకుంది.

వైరల్​గా వీడియో.. తాజాగా ఇప్పుడా మ్యాచ్​ను గుర్తుచేస్తూనే.. ప్లేయర్‌ ఆఫ్‌ ది మ్యాచ్‌గా నిలిచిన ధోని ఇన్నింగ్స్‌ను గుర్తు చేస్తూ బీసీసీఐ వీడియోను షేర్​ చేసింది. స్పెషల్‌ ఇన్నింగ్స్‌ అంటూ కొనియాడింది. ప్రస్తుతం ఈ వీడియో సోషల్​మీడియాలో దూసుకుపోతోంది. ఓ సారి మీరు చూసేయండి..

• #OnThisDay, 17 years ago! 👌 👌
  
  The @msdhoni special! 🎆 🎆#TeamIndia https://t.co/xA8XzK6VAw

  — BCCI (@BCCI) October 31, 2022 " class="align-text-top noRightClick twitterSection" data="

  #OnThisDay, 17 years ago! 👌 👌
  
  The @msdhoni special! 🎆 🎆#TeamIndia https://t.co/xA8XzK6VAw

  — BCCI (@BCCI) October 31, 2022

  ">

  #OnThisDay, 17 years ago! 👌 👌
  
  The @msdhoni special! 🎆 🎆#TeamIndia https://t.co/xA8XzK6VAw

  — BCCI (@BCCI) October 31, 2022

ఇదీ చూడండి: హోటల్​ రూమ్​ వీడియో లీక్​.. విరాట్​ కోహ్లీ, అనుష్క ఫుల్​ సీరియస్​