Jason Roy ruled out of IPL: ఐపీఎల్లో గుజరాత్ టైటాన్స్ జట్టుకు ఎదురుదెబ్బ తగిలింది. ఆ జట్టు ఆటగాడు జేసన్ రాయ్.. టోర్నీ నుంచి వైదొలగుతున్నట్లు వెల్లడించాడు. బయోబబుల్ ఒత్తిడి కారణంగానే ఈ నిర్ణయం తీసుకున్నట్లు గుజరాత్ టైటాన్స్ ఫ్రాంఛైజీకి తెలిపాడు. అతడికి వేలంలో రూ.2కోట్లకు అమ్ముడుపోయాడు.
గతంలోనూ..
ఐపీఎల్ 13వ సీజన్లో జేసన్ రాయ్ను దిల్లీ క్యాపిటల్స్ రూ.1.5 కోట్లకు కొనుగోలు చేసింది. ఆ సమయంలోనూ వ్యక్తిగత కారణాలతో అతడు టోర్నీలో పాల్గొనలేదు. గత సీజన్లో సన్రైజర్స్ తరఫున ఆడిన రాయ్... మొదటి ఫేజ్కు దూరమైన, రెండో దశలో మొత్తం 5 మ్యాచులు ఆడి 150 పరుగులు సాధించాడు. ఐపీఎల్ కెరీర్‌లో 13 మ్యాచ్‌లు ఆడిన రాయ్ 329 పరుగులు సాధించాడు.
ఈ సీజన్ మార్చి 26వ తేదీ నుంచి ప్రారంభంకానుంది. మే 29న ఫైనల్ జరగనుంది. ఈసారి కొత్తగా మరో రెండు జట్ల ఎంట్రీతో వినోదం రెండింతలు అవుతుంది. మొత్తం పది జట్లు 15వ సీజన్లో పాల్గొననున్నాయి. జట్లను రెండు గ్రూప్లను ఏర్పాటు చేసి, పది జట్లలో ఐదు జట్లకు గ్రూప్ ఏ, మిగతా వాటిని గ్రూప్ బీలో చేర్చారు.
ఇక జేసన్ రాయ్ చివరగా పాకిస్థాన్ ప్రీమియర్ లీగ్లో ఆడాడు. పీఎస్‌ల్‌లో రాయ్ అద్భుతంగా రాణించాడు. కేవలం 6 మ్యాచ్‌లు ఆడిన రాయ్.. 303 పరుగులు సాధించాడు. అతడి ఇన్నింగ్స్‌ల్లో సెంచరీ, 2 అర్ధ సెంచరీలు ఉన్నాయి.
ఇదీ చదవండి: IND vs SL: శ్రీలంకతో టెస్టు సిరీస్‌.. టీమ్ఇండియా జట్టు కూర్పు కుదిరేనా?
