డేవిడ్ వార్నర్‌కు హైదరాబాద్‌తో విడదీయరాని అనుబంధం ఉంది. ఒకప్పుడు ఐపీఎల్లో సన్రైజర్స్ హైదరాబాద్ అంటే వార్నర్.. వార్నర్ అంటే సన్రైజర్స్ హైదరాబాద్. 2016లో సన్రైజర్స్ను టైటిల్ విజేతగా నిలబెట్టాడు. జట్టులో కీలక ఆటగాడిగా.. తెలుగు ప్రజల మదిలో నిలిచిపోయాడు వార్నర్. ప్రత్యర్థి ఎవరైనా మ్యాచ్ భారాన్ని తన భుజస్కందాలపై మోస్తూ.. జట్టును విజయ తీరాలకు చేర్చేవాడు.
వార్నర్.. 2014 నుంచి ఏడు సీజన్ల పాటు జట్టుకు బ్యాటర్గా, కెప్టెన్గా ఎన్నో సేవలందించాడు. అయితే రెండేళ్ల కింద ఫామ్ కోల్పోయిన కారణంగా జట్టు యాజమాన్యం అతడిని వదులుకుంది. సన్రైజర్స్ తరఫున ఆడిన ప్రతి సీజన్లలోను వార్నరే జట్టులో టాప్ స్కోరర్. వార్నర్‌తో పాటు అతడి కుటుంబం మొత్తం ఆరెంజ్‌ ఆర్మీలో భాగమైంది. అయితే ఇప్పుడు వార్నర్ ఉప్పల్ మైదానంలో సన్రైజర్స్ తరఫున కాకుండా దిల్లీ జెర్సీలో ఆడేందుకు సిద్ధమయ్యాడు. నాలుగేళ్ల తర్వాత హైదరాబాద్కు వచ్చాడు. ఇది హైదరాబాద్ అభిమానులను కాస్త కలవరపెడుతోంది. 'ధూల్పేట్ డేవిడ్ భాయ్' అంటూ ముద్దుగా పిలుచుకునే హైదరాబాదీలు... వార్నర్ను దిల్లీ డగౌట్లో చూడలేం అంటున్నారు.
గ్రౌండ్లో తన ఆటతో ఆకట్టుకునే వార్నర్ .. మైదానం వెలుపల మన తెలుగు హీరోల రీల్స్‌ చేస్తూ అభిమానులను బాగా ఆకట్టుకున్నాడు. తెలుగువాడిలా తెలుగు ప్రేక్షకులకు ఎంతో దగ్గరైపోయాడు. ఇక ప్రత్యర్థిగా మొదటిసారి హైదరాబాద్ వచ్చిన వార్నర్ ఎలా ఆడతాడు... తెలుగు ప్రేక్షకులు వార్నర్ పట్ల ఎలాంటి ప్రేమ చూపిస్తారన్నది ఈరోజు మ్యాచ్లో తేలనుంది. మరోవైపు సోషల్మీడియాలో వార్నర్పై తెలుగు ప్రేక్షకులు తమ అభిమానాన్ని చాటుకుంటున్నారు. "డేవిడ్ భాయ్ నువ్వు ఏ జట్టులో ఉన్నా.. తెలుగువారికి మాత్రం ఎప్పుడూ హైదరాబాదీవే. మిస్ యూ సో మచ్" అంటూ ఫ్యాన్స్ సోషల్ మీడియాలో ప్రేమను వ్యక్తం చేస్తున్నారు. కాగా, ఉప్పల్ స్టేడియంలో వార్నర్ 31 ఇన్నింగ్స్‌లో 1602 పరుగులు సాధించాడు. ఇందులో 15 హాఫ్‌ సెంచరీలు, మూడు సెంచరీలు ఉన్నాయి. ఇక తాజా మ్యాచ్ విషయానికొస్తే.. ఈ మ్యాచ్లో ముందుగా టాస్ గెలిచిన దిల్లీ బ్యాటింగ్ ఎంచుకుంది.
తుది జట్లు:
ఎస్‌ఆర్‌హెచ్‌: హ్యారీ బ్రూక్, అభిషేక్ శర్మ, మయాంక్ అగర్వాల్, మార్క్రమ్(కెప్టెన్), హెన్రిచ్ క్లాసెన్(వికెట్‌ కీపర్‌), వాషింగ్టన్ సుందర్, మార్కో జాన్సెన్, భువనేశ్వర్ కుమార్, మయాంక్ మార్కండే, ఉమ్రాన్ మాలిక్, టి నటరాజన్.
దిల్లీ క్యాపిటల్స్ : డేవిడ్ వార్నర్ (కెప్టెన్), మిచెల్ మార్ష్, ఫిలిప్ సాల్ట్ (వికెట్‌ కీపర్‌), సర్ఫరాజ్ ఖాన్, మనీష్ పాండే, అమన్ హకీమ్ ఖాన్, అక్షర్ పటేల్, అన్రిచ్ నార్ట్జే, రిపాల్ పటేల్, ఇషాంత్ శర్మ, కుల్దీప్ యాదవ్.
