ఐపీఎల్ 16వ సీజన్లో భాగంగా లఖ్నవూ- బెంగళూరు మ్యాచ్ జరిగి రెండు రోజులు గడిచింది. కానీ ఆ మ్యాచ్లో ఓటమిపాలైన బెంగళూరు టీమ్ను ట్రోలర్స్ వదలి పెట్టడం లేదు!. ఇప్పటికీ ఇంకా ట్రోల్ చేస్తూనే ఉన్నారు. బ్యాటింగ్లో దుమ్మురేపి.. బౌలింగ్ తేలిపోయిన ఆర్సీబీని వెరైటీ మీమ్స్తో ట్రోల్ చేస్తూన్నారు.
ఇటీవలే శాండల్వుడ్ ఇండస్ట్రీలో సంచలనాలు సృష్టిస్తున్న రెండు సినిమాలతో ఈ ఆర్సీబీ టీమ్ను పోలుస్తూ తెగ ట్వీట్లు చేస్తున్నారు. కేజీఎఫ్ రెండు భాగాలు ప్రపంచవ్యాప్తంగా ఎలాంటి రికార్డులను సొంతం చేసుకుందో అందరికి తెలిసిన విషయమే. ముఖ్యంగా గతేడాది రిలీజైన కేజీఎఫ్ 2 అయితే బాక్సాఫీస్ వద్ద కలెక్షన్ల వర్షం కురిపించిందనే చెప్పాలి. దీంతో ఈ సినిమాను స్ఫూర్తిగా తీసుకొని కన్నడ హీరో ఉపేంద్ర లీడ్ రోల్లో 'కబ్జా' అనే ఓ సినిమా ఇటీవలే రిలీజయ్యింది. అయితే ఈ మూవీ బాక్సాఫీస్ వద్ద నిరాశనే మిగిల్చింది. భారీ బడ్జెట్తో పాటు అభిమానుల్లో హైప్ నింపిన ఈ సినిమా ఆశించిన స్థాయిలో ఆడలేకపోయింది. దీంతో గత నాలుగు వారాలుగా నెటిజన్లు ఈ కబ్జా మూవీని కూడా ట్రోల్ చేస్తున్నారు. కేజీఎఫ్ రేంజ్లో ఎక్స్పెక్టేషన్స్ ఇచ్చిన ఈ సినిమా.. దానికి పూర్తి భిన్నమైన ఫలితాన్ని సాధించింది. ఇక ఇదే పాయింట్ను ఆధారంగా చేసుకుని ఆర్సీబీ ఫ్యాన్స్ తమ టీమ్ను తెగ తిట్టిపోస్తున్నారు.
ఆర్సీబీ బ్యాటింగ్ కేజీఎఫ్ లాగా ఉంటే.. బౌలింగే కబ్జాలాగా ఉందని, అందుకే ఈ ఓటములు ఎదురవుతున్నాయని సోషల్ మీడియాలో తెగ ట్రోల్ చేస్తున్నారు. బౌలింగ్ బలహీనంగా ఉండటంతో ఆర్సీబీ కీలకమైన సమయాల్లో బోల్తా పడుతోంది. అందుకే 15 సీజన్లుగా టైటిల్కు దూరమవుతోందని అభిమానులు అంటున్నారు. ఇక గతంలో గేల్, డివిలియర్స్, కోహ్లీ త్రయం ఉన్నప్పటికీ.. ఇప్పుడు కోహ్లీ, గ్లెన్ మ్యాక్స్వెల్, ఫాఫ్ డుప్లెసిస్ త్రయం ఉన్నా కూడా ఆర్సీబీ నిలకడగా విజయాలు సాధించలేకపోతోంది. దీంతో ఫ్యాన్స్ కూడా తీవ్రంగా నిరాశ చెందుతున్నారు.
-
🤣 #RCBvsLSG pic.twitter.com/HZI3Im9L6i
— 𝗦𝗵𝗿𝗲𝘆𝗶 ʸᵃˢʰ¹⁹ (@NameIsShreyash) April 10, 2023 " class="align-text-top noRightClick twitterSection" data="
">🤣 #RCBvsLSG pic.twitter.com/HZI3Im9L6i
— 𝗦𝗵𝗿𝗲𝘆𝗶 ʸᵃˢʰ¹⁹ (@NameIsShreyash) April 10, 2023🤣 #RCBvsLSG pic.twitter.com/HZI3Im9L6i
— 𝗦𝗵𝗿𝗲𝘆𝗶 ʸᵃˢʰ¹⁹ (@NameIsShreyash) April 10, 2023
ఇక మ్యాచ్ విషయానికి వస్తే.. బెంగళూరులోని చిన్న స్వామి వేదికగా రాయల్‌ ఛాలెంజర్స్‌ బెంగళూరు- లఖ్నవూ సూపర్‌ జెయింట్స్‌ టీమ్స్ తలపడ్డాయి. హోరా హోరీగా జరిగిన ఈ మ్యాచ్లో లఖ్నవూ ఘన విజయాన్ని సాధించింది. అయితే టాస్‌ ఓడి తొలుత బ్యాటింగ్కు దిగిన ఆర్సీబీ టీమ్ మొదట్లో బాగానే జోరు సాగించింది. విరాట్ కోహ్లీతో పాటు డుప్లెసిస్ రెచ్చిపోగా.. మ్యాక్స్వెల్ అయితే తన బ్యాటింగ్ స్కిల్స్తో మైదానంలో చెలరేగిపోయాడు.
అయితే నిర్ణీత 20 ఓవర్లలో రెండు వికెట్లు కోల్పోయిన బెంగళూరు.. తన ఖాతాలో ఏకంగా 212 పరుగులను స్కోర్ చేసింది. బ్యాటర్లు ధనాధన్ ఇన్నింగ్స్ ఆడినా.. బౌలర్లు మాత్రం కాస్తా ఢీలా పడ్డారు. ఇక ఇదే ఛాన్స్కు వినియోగించుకున్న లఖ్నవూ టీమ్ చివరి బంతి వరకు పోరాడి మరీ 9 వికెట్లు కోల్పోయి లక్ష్యాన్ని ఛేదించింది. అటు రాహుల్ సేనలో.. స్టాయినిస్, పూరన్‌ ఆర్సీబీ బౌలర్లను హడలెత్తించారు. అయితే చివర్లో మ్యాచ్ ఆర్సీబీ వైపు వెళ్లినట్లు కనిపించినప్పటికీ ఆఖరికి లఖ్నవూ టీమ్ విజయాన్ని మూటగట్టుకుంది.
