రాజస్థాన్ జట్టుతో మ్యాచ్లో దిల్లీ బ్యాట్స్మెన్ తడబడ్డారు. వరుస విరామాల్లో వికెట్లు కోల్పోవడం వల్ల, నిర్ణీత 20 ఓవర్లలో 8 వికెట్ల నష్టానికి 147 పరుగులు చేసింది దిల్లీ. కెప్టెన్ పంత్ అర్ధశతకంతో ఆకట్టుకునే ప్రదర్శన చేశాడు.
టాస్ ఓడి బ్యాటింగ్కు దిగిన దిల్లీకి ప్రారంభంలో ఎదురుదెబ్బ తగిలింది. ఓపెనర్లు పృథ్వీషా(2), ధావన్(9) సహా రహానె(8), స్టోయినిస్(0) స్వల్ప స్కోర్లకే వెనుదిరిగారు. అనంతరం కెప్టెన్ పంత్(51) కొత్త కుర్రాడు లలిత్ యాదవ్తో(20) కలిసి స్కోరును మెల్లగా పెంచాడు. ఈ క్రమంలోనే అర్ధశతకం చేసిన తర్వాత రనౌట్ అయ్యాడు.
మిగతా బ్యాట్స్మెన్లో టామ్ కరన్(21), వోక్స్(15), అశ్విన్(7).. ఎక్కువ పరుగులు చేయలేకపోయారు. రాజస్థాన్ బౌలర్లలో ఉనద్కత్ 3, ముస్తాఫిజుర్ 2, మోరిస్ ఓ వికెట్ పడగొట్టారు.
