IPL 2023 Gill Dhoni Record : గుజరాత్ టైటాన్స్‌ స్టార్ బ్యాటర్ శుభ్మన్ గిల్ ఐపీఎల్ చరిత్రలో మరో అరుదైన ఘనత అందుకోనున్నాడు. ఐపీఎల్ హిస్టరీలో చెన్నై సూపర్ కింగ్స్ కెప్టెన్ ధోనీకు మాత్రమే సాధ్యపడిన ఓ రికార్డును గిల్ ఈ ఫైనల్ మ్యాచ్తో సమం చేయనున్నాడు. ఇది వరకు ఐపీఎల్లో మహీ తప్ప ఏ ఇతర ఆటగాడు వరుసగా మూడు ఫైనల్ మ్యాచ్లు ఆడలేదు. ధోనీ మాత్రమే మూడు అంతకంటే ఎక్కువ సార్లు ఐపీఎల్ ఫైనల్స్ ఆడాడు. చెన్నై తరఫున ధోనీ ఏకంగా నాలుగు సీజన్లలో (2010, 2011 , 2012, 2013) ఆడాడు. ఇందులో రెండు సార్లు చెన్నై టైటిల్ నెగ్గగా.. రెండు సార్లు రన్నరప్తో సరిపెట్టుకుంది.
IPL 2023 Gill Record :ఈ క్రమంలో ఆదివారం చెన్నై సూపర్ కింగ్స్తో జరిగే ఫైనల్లో గుజరాత్ తరఫున బరిలోకి దిగనున్న శుభ్మన్ గిల్ కూడా వరుసగా మూడు ఐపీఎల్ ఫైనల్ మ్యాచ్లు ఆడిన ఆటగాడిగా ధోనీ సరసన చేరుతాడు. గతంలో 2021లో కేకేఆర్‌ (రన్నరప్) తరఫున, 2022లో గుజరాత్ (విన్నర్‌) తరఫున ఆడిన గిల్ ఆదివారం మరోసారి ఫైనల్ మ్యాచ్ బరిలో దిగనున్నాడు. అంతేకాకుండా గిల్ గతంలో ఆడిన ఫైనల్స్లో మంచి ప్రదర్శనే చేశాడు. 2021లో కోల్కతా తరఫున 51 పరుగులు, 2022లో గుజరాత్ తరఫున 45 పరుగులతో రాణించాడు.
IPL 2023 Gill Stats : ప్రస్తుత ఐపీఎల్ సీజన్లో భీకరమైన ఫామ్లో ఉన్న శుభ్మన్.. మూడు సెంచరీలు, 4 హాఫ్ సెంచరీలతో సహా 60.79 సగటున 851 పరుగులు చేశాడు. దీంతో ఒక ఐపీఎల్ సీజన్లో అత్యధిక పరుగులు చేసిన ఆటగాళ్ల జాబితాలో మూడో స్థానంలో ఉన్నాడు. విరాట్ కోహ్లీ 973 పరుగులతో మొదటి స్థానంలో ఉండగా.. రాజస్థాన్ బ్యాటర్ జాస్ బట్లర్ రెండో స్థానంలో ఉన్నాడు. ఇక ఐపీఎల్లో ఒకే సీజన్లో ఎక్కువ సెంచరీల రికార్డు కూడా వీరిద్దరి పేరిటే ఉంది. 2016లో విరాట్ కోహ్లీ, 2022లో బట్లర్ నాలుగేసి సెంచరీలు బాదారు. ప్రస్తుతం గిల్ మూడు శతకాలతో ఈ సీజన్లో టాప్లో ఉన్నాడు.
ఇకపోతే ప్రస్తుతం రాయల్ ఛాలెంజర్స్ బెంగళూరులో ఉన్న కరణ్ శర్మ కూడా వరుసగా మూడు ఫైనల్స్లో ఉన్నాడు. 2016లో సన్రైజర్స్, 2017 ముంబయి ఇండియన్స్, 2018 చెన్నై సూపర్ కింగ్స్ తరఫున ప్రాతినిధ్యం వహించాడు. కానీ ఈ మూడింట్లోనూ అతడు తుది జట్టులో స్థానం సంపాదించలేదు.
