IPL 2023 RCB vs DC : ఇండియన్ ప్రీమియర్ లీగ్ 2023లో భాగంగా దిల్లీ, బెంగళూరు జట్ల మధ్య మ్యాచ్ జరిగింది. ముంబయి నిర్దేశించిన 182 పరుగుల లక్ష్యంతో బరిలోకి దిగిన దీల్లీ 7 వికెట్ల తేడాతో బెంగళూరుపై విజయం సాధించింది. 16.4 ఓవర్లలో 3 వికెట్ల నష్టానికి ఛేసింగ్ పూర్తి చేసింది. మొదటి నుంచి దిల్లీ జట్టు ఆధిపత్యం కనబర్చింది. ఓపెనర్ ఫిలిప్ సాల్ట్ (87) చెలరేగిపోయాడు. డేవిడ్ వార్నర్ (22), మిచెల్ మార్ష్ (26), రోస్సో (35), అక్షర్ పటేల్ (8) పరుగులు చేశారు. ఇక, బెంగళూరు బౌలర్లలో హేజిల్వుడ్, కార్న్ శర్మ, హర్షల్ పటేల్ ఒక్కో వికెట్ పడగొట్టారు.
మొదట టాస్‌ గెలిచి బ్యాటింగ్‌ చేసిన బెంగళూరుకు దక్కిన ఆరంభాన్ని బట్టి చూస్తే ఆ జట్టు 200 మార్కును చేరుకుంటుందనిపించింది. అయితే నిర్ణీత 20 ఓవర్లలో నాలుగు వికెట్ల నష్టానికి 181 పరుగులను మాత్రమే స్కోర్ చేయగలిగింది. ఓపెనర్ విరాట్ కోహ్లీ ( 46 బంతుల్లో 55), కెప్టెన్ డుప్లెసిస్ (32 బంతుల్లో 55) దంచికొట్టారు. ఇద్దరూ వికెట్లు కాపాడుకుంటూనే ధాటిగా ఆడటంతో పవర్‌ప్లేను ఆర్సీబీ 51/0తో ముగించింది.ఆ తర్వాత స్కోరు వేగం కొంచెం తగ్గినప్పటికీ 10 ఓవర్లకు 79/0తో ఆ జట్టు పటిష్ట స్థితిలోనే కనిపించింది. అర్ధశతకం తర్వాత 16వ ఓవర్లో కోహ్లి వెనుదిరిగినా.. లొమ్రార్‌ జోరుతో స్కోరు బోర్డు పరుగులు పెట్టింది. మ్యాచ్ ప్రారంభం నుంచి దిల్లీ బౌలర్లపై ఆధిపత్యం కనబరిచారు. ఆ తర్వాత వచ్చిన మాక్స్వెల్ మాత్రం ఖాతా తెరవకుండానే వెనుగదిరిగాడు. అనంతరం వచ్చిన లామ్రోర్ ( 29 బంతుల్లో 54*) పరుగులతో మేరుపు షాట్లు ఆడాడు. కార్తీక్ (11), అనుజ్ రావత్ (8*) ఫర్వాలేదనిపించారు. ఇక, దిల్లీ బౌలర్లలో మిచెల్ మార్ష్ (2) వికెట్లు తీయగా.. ముకేశ్ కుమార్, ఖలీద్ అహ్మద్ ఒక్కో వికెట్ పడగొట్టారు.
కోహ్లీ@7000..
ఐపీఎల్‌లో బెంగళూరు ప్లేయర్ విరాట్ కోహ్లి మరో మైలురాయిని దాటాడు. 7000 పరుగులు సాధించిన తొలి బ్యాటర్‌గా కోహ్లి చరిత్ర సృష్టించాడు. ఈ మ్యాచ్‌లో 12 పరుగుల వ్యక్తిగత స్కోరు వద్ద కోహ్లి ఏడువేల పరుగులు మార్క్‌ను చేరుకున్నాడు. విరాట్ 233 మ్యాచ్‌ల్లో ఈ ఘనత సాధించాడు. ఈ ప్లేయర్ ఖాతాలో ఐదు శతకాలు, 49 అర్ధ సెంచరీలు ఉన్నాయి. విరాట్ తర్వాతి ప్లేస్లో శిఖర్‌ ధావన్‌ (6536), డేవిడ్ వార్నర్ (6189), రోహిత్‌ శర్మ (6063) వరుసగా రెండు, మూడు, నాలుగు స్థానాల్లో కొనసాగుతున్నారు.
