IPL 2022: గుజరాత్ టైటాన్స్తో మ్యాచ్లో మరోసారి రెచ్చిపోయాడు పంజాబ్ కింగ్స్ ఆల్రౌండర్ లియామ్ లివింగ్స్టోన్. 27 బంతుల్లోనే 64 బాదాడు. దీంతో టాస్ ఓడి బ్యాటింగ్కు దిగిన పంజాబ్ నిర్ణీత 20 ఓవర్లలో 189/9 పరుగులు చేసింది. ఓపెనర్ శిఖర్ ధావన్ (35), జితేశ్ శర్మ (23) రాణించారు. కెప్టెన్ మయాంక్ అగర్వాల్ మరోసారి విఫలం కాగ, మిగిలిన బ్యాటర్లు కూడా నిరాశ పరిచారు. ఆఖర్లో రాహుల్ చాహర్ (22) మెరిశాడు. దీంతో గుజరాత్కు 190 పరుగుల లక్ష్యాన్ని నిలిపింది పంజాబ్.
గుజరాత్ బౌలర్లలో రషీద్ ఖాన్ 3, దర్శన్ నాల్కండే 2, హార్దిక్, ఫెర్గూసన్, షమీ తలో వికెట్ పడగొట్టారు.
ధావన్ అరుదైన రికార్డు..
ఈ మ్యాచ్లో నాలుగు ఫోర్లు బాదిన డాషింగ్ ఓపెనర్ శిఖర్ ధావన్ ఓ అరుదైన ఘనత సాధించాడు. టీ20 క్రికెట్ చరిత్రలో వెయ్యి ఫోర్లు బాదిన తొలి భారత క్రికెటర్గా రికార్డు సృష్టించాడు. మొత్తంగా ప్రపంచ క్రికెట్లో ఈ మైలురాయిని చేరుకున్న 5వ ప్లేయర్గా నిలిచాడు గబ్బర్. ఈ జాబితాలో ధావన్కు చేరువలో స్టార్ బ్యాటర్ విరాట్ కోహ్లీ (914 ఫోర్లు) ఉన్నాడు.
ఇదీ చూడండి: మయాంక్.. నువ్వు కెప్టెన్‌వనే విషయం మర్చిపో: సెహ్వాగ్
