ఐపీఎల్(IPL 2021 News) రెండో క్వాలిఫయర్(ipl qualifier 2)లో దిల్లీ క్యాపిటల్స్తో తలపడేందుకు కోల్కతా నైట్రైడర్స్(kkr vs dc 2021) సిద్ధమైంది. సోమవారం జరిగిన ఎలిమినేటర్‌ మ్యాచ్లో కోల్కతా..అద్భుత ప్రదర్శన చేసింది. రాయల్ ఛాలెంజర్స్‌ బెంగళూరు(rcb vs kkr 2021)పై 4 వికెట్ల తేడాతో విజయం సాధించింది. ఇక నేడు (అక్టోబర్ 13) దిల్లీపైనా గెలిచి ఫైనల్ బెర్తు ఖరారు చేసుకోవాలని చూస్తోంది. దిల్లీ కూడా ఎలాగైనా గెలవాలనే పట్టుదలతో ఉంది. షార్జా వేదికగా జరగబోయే ఈ మ్యాచ్ రాత్రి 7.30 గంటలకు ప్రారంభంకానుంది.
పిచ్ పరిస్థితి
షార్జా పిచ్ తొలి పవర్ప్లేలో బ్యాటింగ్కు అనుకూలిస్తుంది. బంతి మెరుపు తగ్గినా కొద్ది బ్యాటర్లకు పరుగులు సాధించడం కష్టమే. ఈ మైదానంలో జరిగిన 9 మ్యాచ్ల్లో రెండోసారి బ్యాటింగ్ చేసిన జట్లే 6 సార్లు గెలిచాయి. దీంతో టాస్ గెలిచిన జట్టు మొదట ఫీల్డింగ్ ఎంచుకునే అవకాశం ఉంది.
హెడ్ టూ హెడ్
ఈ రెండు జట్లు(kkr vs dc head to head 2021) ఇప్పటివరకు తలపడిన పోరులో 12 దిల్లీ గెలవగా, 15 మ్యాచ్ల్లో కోల్కతా విజయం సాధించింది. చివరిసారిగా ఇరుజట్ల మధ్య జరిగిన మ్యాచ్లో కేకేఆర్ 3 వికెట్ల తేడాతో గెలుపొందింది. ఈ మ్యాచ్లో కేకేఆర్ 6 సిక్సర్లు సాధించగా.. దిల్లీ ఒక్క సిక్స్ కూడా బాదలేకపోయింది. దీన్ని బట్టే అర్థం చేసుకోవచ్చు.. కోల్కతా బౌలర్లు దిల్లీ బ్యాట్స్మెన్ను ఎంత గొప్పగా కట్టడి చేశారో.
మొత్తంగా ఇరుజట్ల రికార్డులు ఇలా ఉన్నాయి
- భారత్లో ఆడిన మ్యాచ్లు - 22 (దిల్లీ 8, కేకేఆర్ 13)
- విదేశాల్లో ఆడిన మ్యాచ్లు - 7 (దిల్లీ 5, కేకేఆర్ 2)
- కేకేఆర్పై దిల్లీ సగటు పరుగులు - 153
- దిల్లీపై కేకేఆర్ సగటు పరుగులు - 154
- అత్యధిక పరుగులు (దిల్లీ) - 426 (శ్రేయస్ అయ్యర్)
- అత్యధిక పరుగులు (కోల్కతా) -272 (ఆండ్రూ రసెల్)
- అత్యధిక వికెట్లు (దిల్లీ) - 13 (ఉమేశ్ యాదవ్)
- అత్యధిక వికెట్లు (కోల్కతా) - 22 (నరైన్)
- అత్యధిక క్యాచ్లు (దిల్లీ) - 7 (పంత్)
- అత్యధిక క్యాచ్లు (కోల్కతా) - 7 (నరైన్)
రికార్డ్ అలర్ట్!
- దిల్లీ కెప్టెన్ రిషభ్ పంత్ ఈ సీజన్లో 15 మ్యాచ్ల్లో 413 పరుగులు చేశాడు. మొత్తంగా లీగ్లో 83 మ్యాచ్ల్లో 2492 రన్స్ చేశాడు. కోల్కతాతో జరిగే మ్యాచ్లో మరో 8 పరుగులు చేస్తే లీగ్లో 2,500 పరుగుల క్లబ్లో చేరతాడు.
- ఈ సీజన్లో ఆడిన 11 మ్యాచ్ల్లో 15 వికెట్లు దక్కించుకున్నాడు దిల్లీ స్పిన్నర్ అక్షర్ పటేల్. మొత్తంగా లీగ్లో ఇప్పటివరకు 95 వికెట్లు సాధించాడు. కోల్కతాతో నేడు జరిగే ఈ మ్యాచ్లో మరో 5 వికెట్లు తీస్తే లీగ్లో 100 వికెట్లు సాధించిన ఆటగాళ్ల జాబితాలో చేరతాడు.
- కోల్కతా కెప్టెన్ మోర్గాన్ మరో 9 పరుగులు చేస్తే ఈ జట్టు తరఫున 1000 రన్స్ చేసిన 13వ ఆటగాడిగా నిలుస్తాడు.
- ఐపీఎల్లో ఇప్పటివరకు 399 బౌండరీలు బాదాడు కోల్కతా కీపర్ దినేశ్ కార్తీక్. ఈ మ్యాచ్లో మరో బౌండరీ సాధిస్తే 400 బౌండరీలు సాధించిన 11వ ఆటగాడిగా నిలుస్తాడు.
తుది జట్లు (అంచనా)
దిల్లీ క్యాపిటల్స్
ధావన్, పృథ్వీ షా, పంత్ (కెప్టెన్), శ్రేయస్ అయ్యర్, హెట్మెయర్, టామ్ కరన్/స్టోయినిస్, అక్షర్ పటేల్, రవి అశ్విన్, రబాడ, ఆవేశ్ ఖాన్, నోర్ట్జే
కోల్కతా నైట్రైడర్స్
గిల్, వెంకటేశ్ అయ్యర్, రాహుల్ త్రిపాఠి, నితీశ్ రానా, మోర్గాన్ (కెప్టెన్), షకిబుల్, దినేశ్ కార్తీక్, నరైన్, శివం మావి, ఫెర్గుసన్, వరుణ్ చక్రవర్తి.
