గత నాలుగు మ్యాచ్ల్లో ఓడిన కోల్కతా.. ఎట్టకేలకు విజయాల బాట పట్టింది. అహ్మదాబాద్ వేదికగా పంజాబ్తో జరిగిన మ్యాచ్లో మోర్గాన్ సేన 5 వికెట్ల తేడాతో గెలుపొందింది. కేకేఆర్ జట్టులో రాహుల్ త్రిపాఠి(32 బంతుల్లో 41 పరుగులు), కెప్టెన్ ఇయాన్ మోర్గాన్(40 బంతుల్లో 47 పరుగులు) రాణించారు. పంజాబ్ బౌలర్లలో హెన్రిక్స్, షమి, హుడా, అర్షదీప్ తలా ఒక వికెట్ తీసుకున్నారు.
ఇదీ చదవండి: సమష్టిగా రాణించిన బౌలర్లు.. కోల్కతా లక్ష్యం 124
లక్ష్య ఛేదనలో కోల్కతాకు శుభారంభం లభించలేదు. 17 పరుగులకే ఓపెనర్లతో పాటు నరైన్ వికెట్ను కోల్పోయింది కోల్కతా. వీరిలో రానా, నరైన్ డకౌట్గా వెనుదిరిగారు. దీంతో మరో ఓటమి తప్పదని భావించారంతా. ఈ దశలో జట్టుకట్టిన కెప్టెన్ మోర్గాన్-రాహుల్ త్రిపాఠి జోడీ నాలుగో వికెట్కు 66 పరుగుల భాగస్వామ్యం నమోదు చేసి.. జట్టును సురక్షిత స్థితికి తీసుకొచ్చారు. ఆ తర్వాత ఓ అనవసరపు షాట్కు యత్నించి త్రిపాఠి ఔటయ్యాడు. మిగిలిన పనిని మోర్గాన్ పూర్తిచేశాడు.
ఇదీ చదవండి: 'అలా ఉండటం కష్టం.. ఒక్కడే మ్యాచ్ లాగేసుకున్నాడు'
