అహ్మదాబాద్ వేదికగా రాయల్ ఛాలెంజర్స్ బెంగళూరుతో జరుగుతోన్న మ్యాచ్లో దిల్లీ క్యాపిటల్స్ బౌలర్ అమిత్ మిశ్రా అనుకోకుండా ఓ తప్పిదం చేశాడు. బంతికి ఉమ్ము రుద్దుతూ ఫీల్డ్ అంపైర్కు దొరికిపోయాడు. గమనించిన అంపైర్ వీరేందర్ శర్మ దిల్లీ కెప్టెన్ రిషభ్ పంత్కు మొదటి వార్నింగ్ ఇచ్చాడు.
ఇదీ చదవండి: ఐపీఎల్ ఆటగాళ్లకు క్రికెట్ ఆస్ట్రేలియా హామీ
ఆర్సీబీ బ్యాటింగ్ చేస్తోన్న సమయంలో ఆరో ఓవర్ సందర్భంగా ఈ సంఘటన జరిగింది. కొవిడ్ మార్గదర్శకాలలో భాగంగా ఐసీసీ బంతికి ఉమ్మును రుద్దడాన్ని నిషేధించింది. బదులుగా చెమటను రుద్దే అవకాశాన్ని కల్పించింది. మొదటి సారి ఈ తప్పిదం చేస్తే ఆ జట్టు సారథిని హెచ్చరికతో వదిలేస్తారు. మరోసారి ఆ టీమ్ ఆటగాడు ఇదే తప్పిదాన్ని చేస్తే ప్రత్యర్థికి 5 పరుగులు అదనంగా ఇస్తారు.
ఇదీ చదవండి: రాణించిన డివిలియర్స్.. దిల్లీ లక్ష్యం 172
