సన్రైజర్స్ హైదరాబాద్పై గెలిచి, ఈ సీజన్లో వరుసగా రెండో విజయాన్ని నమోదు చేసింది ముంబయి ఇండియన్స్. బౌలర్ల సరైన వ్యూహం వల్లే ఇది సాధ్యమైందని ఆ జట్టు కెప్టెన్ రోహిత్ శర్మ అన్నాడు. తాము వరుసగా మ్యాచ్లు ఓడిపోవడానికి పేలవ బ్యాటింగ్ అని సన్రైజర్స్ సారథి వార్నర్ అభిప్రాయపడ్డాడు.
"బౌలర్లు సరైన వ్యూహంతో ఉంటే కెప్టెన్కు మ్యాచ్ నెగ్గడం సులభం అవుతుంది. మ్యాచ్ గెలిచేందుకు ఆటగాళ్లు బాగా కృషి చేశారు. పిచ్ సరిగ్గా లేని కారణంగా గెలవడం అంత సులభం కాదని అర్థమైంది. కానీ, బౌలర్లు చక్కగా రాణించి కెప్టెన్పై భారాన్ని తగ్గించారు. జట్టు ఆటగాళ్లు ఫీల్డింగ్ బాగా చేశారు"
--రోహిత్ శర్మ, ముంబయి కెప్టెన్
పేలవ బ్యాటింగ్ వల్లే...
"ముంబయి నిర్దేశించిన లక్ష్యాన్ని చాలా సులభంగా ఛేదించొచ్చు. కానీ, బ్యాటింగ్లో విఫలమయ్యాం. మిడిలార్డర్ బ్యాట్స్మెన్ తెలివిగా ఆడాలి. బౌలింగ్లో దృఢంగానే ఉన్నాం. ఇదే తప్పు మళ్లీ జరగకుండా చేసుకోవాల్సిన బాధ్యత బ్యాట్స్మెన్ చేతిలోనే ఉంది."
--డేవిడ్ వార్నర్, సన్రైజర్స్ జట్టు సారథి.
ఐపీఎల్‌ 14వ సీజన్లో సన్రైజర్స్ హైదరాబాద్ వరుసగా మూడో మ్యాచ్లో ఓటమిపాలైంది. ముంబయితో శనివారం జరిగిన మ్యాచ్లో 13 పరుగుల తేడాతో ఓడిపోయింది. టాస్‌ గెలిచి బ్యాటింగ్ ఎంచుకున్న ముంబయి.. నిర్ణీత 20 ఓవర్లలో 150/5 పరుగులు చేయగా, ఛేదనలో 19.4 ఓవర్లలో 137 పరుగులకే కుప్పకూలింది హైదరాబాద్.
ఇదీ చదవండి:వెయిట్లిఫ్టర్ మీరాబాయ్ ప్రపంచ రికార్డు
