IPL Players Afghanistan Board : అఫ్గానిస్థాన్‌ ప్లేయర్స్ నవీన్ ఉల్ హక్, ముజీబ్ ఉర్ రెహమాన్, ఫజల్‌హక్‌ ఫారూఖీలపై విధించిన నిషేదాన్ని ఎత్తివేస్తున్నట్లు అఫ్గానిస్థాన్‌ క్రికెట్ బోర్డు తాజాగా ఓ ప్రకటనలో పేర్కొంది. ఈ నేపథ్యంలో ఇకపై ఆ ముగ్గురు ప్లేయర్లు ఐపీఎల్తో పాటు ప్రపంచంలోని వివిధ ప్రధాన లీగ్‌లలో పాల్గొనవచ్చనంటూ తెలిపింది. సవరించిన పరిమితుల మేరకు ఈ ఆటగాళ్లను సెంట్రల్ కాంట్రాక్ట్‌లను అంగీకరించడానికి, ఫ్రాంచైజీ లీగ్‌లలో పాల్గొనడానికి అనుమతినిచ్చినట్లు అందులో వెల్లడించాయి. అలా ఎన్ఓసీ(No Objection Certificate) ఇచ్చేందుకు అంగీక‌రించింది. అయితే దేశానికే తొలి ప్రాధాన్యం ఇవ్వాల‌ని, అఫ్గ‌న్ క్రికెట్ అవ‌స‌రాల‌కు క‌ట్టుబ‌డి ఉండాలని తేల్చి చెప్పింది.
అసలేం జరిగిందంటే ?
అఫ్గ‌నిస్థాన్ జ‌ట్టులో కీల‌క‌మైన ముజీబ్, నవీన్, ఫారుఖీలు ఇటీవలే త‌మ‌కు సెంట్రల్ కాంట్రాక్ట్ వ‌ద్ద‌ంటూ బోర్డుకు నివేదించారు. దీంతో, ఈ ముగ్గురికి దేశం కంటే వ్య‌క్తిగ‌త ప్ర‌యోజనాలే ముఖ్యమని భావించిన బోర్డు ఐపీఎల్తో పాటు ఇత‌ర ఫ్రాంచైజీ లీగ్స్‌లో ఆడకుండా ఉండేలా రెండేండ్ల పాటు నిషేధం విధించింది. దీంతో పాటు గ‌తంలో ఈ ముగ్గురికి ఇచ్చిన ఎన్ఓసీని కూడా ఏసీబీకి చెందిన ఓ ప్ర‌త్యేక క‌మిటీ ర‌ద్దు చేసింది. అయితే ఈ ఏడాది జరగనున్న టీ20 వ‌ర‌ల్డ్ కప్‌కు ఈ ముగ్గురు చాలా కీల‌కం. దీంతో వారి వివరణలను విన్న బోర్డు ఈ ముగ్గురిపై ఉన్న ఆంక్షలను ఎత్తివేసింది.
Afghanistan Players In IPL : ఇక వీరి ఐపీఎల్ కెరీర్ విషయానికి వస్తే ముజీబ్ ఉర్ రెహమాన్ కోల్‌క‌తా నైట్ రైడ‌ర్స్‌ జట్టుకు ప్రాతినిథ్యం వహిస్తుండగా, ఫజల్‌హాక్ ఫారూకీ స‌న్‌రైజ‌ర్స్ హైద‌రాబాద్‌ జట్టు తరఫున ఆడుతున్నాడు. ఇక నవీన్ ఉల్ హక్ ల‌ఖ్నవూ సూపర్ జెయింట్స్‌లో కీలక ప్లేయర్గా రాణిస్తున్నాడు. వీళ్ల‌తో పాటు అఫ్గ‌న్ టీ20 సార‌థి ర‌షీద్ ఖాన్‌, యువ క్రీడాకారుడు నూర్ అహ్మ‌ద్‌లు గుజ‌రాత్ టైటాన్స్‌ జట్టుకు ఆడుతున్నారు. వ‌చ్చే ఏడాది ఏప్రిల్‌లో అమెరికా వేదికగా ఐపీఎల్ 17వ సీజ‌న్ ప్రారంభం కానుంది.
టీ20ల్లో రోహిత్, విరాట్ రీ ఎంట్రీ- అఫ్గాన్ సిరీస్కు జట్టు ప్రకటన
భారత్తో అఫ్గాన్ తొలి ద్వైపాక్షిక సిరీస్- టీమ్ఇండియా నెక్స్ట్ టార్గెట్ అదే!
