IPL 2022: ఐపీఎల్ చరిత్రలో మొత్తం ఆరుగురు ఆటగాళ్లు 13 సార్లు డకౌట్ అయ్యి మొదటి స్థానంలో నిలిచారు. ఇందులో హర్భజన్ సింగ్, పార్థివ్ పటేల్, అజింక్యా రహానే, అంబటి రాయుడు, పీయుశ్ చావ్లా, రోహిత్ శర్మ ఉన్నారు. వీరిలో చాలా మంది ఆటగాళ్లు తమ కెరీర్లో ఓపెనర్గా వచ్చి అవుట్ అయినవారే. ఐపీఎల్ 2022 నేపథ్యంలో వీరి గురించి ఇప్పుడు చూద్దాం.
రోహిత్ శర్మ
ఐపీఎల్ చరిత్రలో అత్యధికంగా ఐదుసార్లు ముంబయి ఇండియన్స్ కప్పు గెలవడంలో కీలక పాత్ర పోషించాడు కెప్టెన్ రోహిత్ శర్మ. ఐపీఎల్లో 213 మ్యాచులాడిన రోహిత్ 5,611 పరుగులు సాధించాడు. మొత్తం 13 సార్లు డకౌట్ అయ్యాడు.
అంబటి రాయుడు
అంబటి రాయుడికి ఐపీఎల్లో మంచి రికార్డు ఉంది. 2018లో చెన్నై సూపర్ కింగ్స్ జట్టు టైటిల్ గెలవడంలో రాయుడు కీలక పాత్ర పోషించాడు. 29.44 సగటుతో 3,916 పరుగులు చేసిన రాయుడు 13 సార్లు డకౌట్ అయ్యాడు.
అజింక్యా రహానే
గతేడాది ఐపీఎల్లో రాజస్థాన్ రాయల్స్ జట్టుకు కెప్టెన్గా వ్యవహరించాడు అజింక్యా రహానే. ఐపీఎల్లో 151 మ్యాచులు ఆడిన రహానే 31.52 సగటుతో 3,941 పరుగులు చేశాడు. ఐపీఎల్లో నాలుగు జట్లకు ప్రాతినిథ్యం వహించిన ఇతడు..13 సార్లు డకౌట్ అయ్యాడు.
పార్థివ్ పటేల్
భారత మాజీ వికెట్కీపర్ పార్థివ్ పటేల్ ఐపీఎల్లో 22.60 సగటుతో 2,848 పరుగులు చేశాడు. ఓపెనర్గా వచ్చిన పటేల్ మొత్తం 13 సార్లు పరుగులు చేయకుండా వెనుదిరిగాడు. గతంలో రాయల్ ఛాలెంజర్స్ బెంగళూరుకు ప్రాతినిథ్యం వహించారు.
గౌతం గంభీర్
కోల్కతా నైట్ రైడర్స్ జట్టును రెండు సార్లు కప్పు గెలిపించాడు గౌతం గంభీర్. ఐపీఎల్లో 4,217 పరుగులు చేసిన గంభీర్ 2014లో మూడు సార్లు డకౌట్ అయ్యాడు. కాగా తన కెరీర్లో 12 సార్లు పరుగులు చేయకుండానే వెనుదిరిగాడు.
వీరితో పాటు పీయుశ్ చావ్లా, మన్దీప్ సింగ్, మనీశ్ పాండే, దినేశ్ కార్తిక్ 12 సార్లు డకౌట్ అయ్యారు. ఈసారీ ఐపీఎల్ సీజన్ మార్చి 26న ప్రారంభం కానుంది.
ఇదీ చదవండి: ఐపీఎల్లో సూపర్ ఇన్నింగ్స్ వీళ్లవే!
