IPL 2022 KKR VS RCB: ఐపీఎల్ ఆరంభ మ్యాచ్లో విజయం సాధించి సీజన్ను ఘనంగా ప్రారంభించిన కోల్కతా.. ఓటమితో సీజన్ను ప్రారంభించిన రాయల్ ఛాలెంజర్స్ బెంగళూరుతో మరికాసేపట్లో తలపడనుంది. ఈ నేపథ్యంలో టాస్ గెలిచిన బెంగళూరు బౌలింగ్ ఎంచుకుని కోల్కతాను బ్యాటింగ్కు ఆహ్వానించింది. ఇప్పటివరకు ఈ రెండు జట్లు 29 సార్లు తలపడ్డాయి. అందులో కోల్కతా.. 16 మ్యాచుల్లో గెలవగా.. బెంగళూరు 13 మ్యాచుల్లో విజయం సాధించింది. ముంబయిలోని డీవై పాటిల్ స్టేడియం వేదికగా జరుగుతున్న ఈ మ్యాచ్లో మరి ఎవరు గెలుస్తారో చూడాలి.
ఊరిస్తున్న పలు రికార్డులు: మరికాసేపట్లో జరగబోయే ఈ మ్యాచ్లో ఆర్సీబీ మాజీ సారథి కోహ్లీతో పాటు కేకేఆర్‌ ఆటగాళ్లు అజింక్య రహానే, శ్రేయస్ అయ్యర్‌లకు పలు రికార్డులు ఊరిస్తున్నాయి. ఈ మ్యాచ్లో కోహ్లీ(212) మరో మూడు సిక్సర్లు బాదితే ఐపీఎల్‌లో అత్యధిక సిక్సర్లు కొట్టిన ఆటగాళ్ల జాబితాలో ఐదో స్థానానికి ఎగబాకుతాడు. మూడు ఫోర్లు కొడితే ఐపీఎల్‌లో 550 బౌండరీలు సాధించిన క్రికెటర్ల క్లబ్‌లో చేరుతాడు. ఐపీఎల్ కెరీర్లో 3985 పరుగులు చేసిన రహానే.. ఈ మ్యాచ్లో మరో 15 పరుగులు చేస్తే 4000 పరుగుల క్లబ్‌లో చేరిన తొమ్మిదో ఆటగాడిగా రికార్డుకెక్కుతాడు. కోల్కతా కెప్టెన్ శ్రేయస్ అయ్యర్ (198) రెండు ఫోర్లు కొడితే 200 బౌండరీల మార్కును చేరుకుంటాడు. మరో 5 పరుగులు చేస్తే.. 2400 పరుగుల మార్క్‌ను రీచ్‌ అవుతాడు.
తుది జట్ల వివరాలివీ
కోల్కతా నైట్రైడర్స్: వెంకటేష్ అయ్యర్, అజింక్య రహానే, శ్రేయస్ అయ్యర్(కెప్టెన్), నితీశ్ రానా, సామ్ బిల్లింగ్స్, ఆండ్రీ రసెల్, సునీల్ నరైన్, జాక్సన్, ఉమేశ్ యాదవ్, టిమ్ సౌథీ, వరుణ్ చక్రవర్తి.
రాయల్ ఛాలెంజర్స్ బెంగళూరు: డుప్లెసిస్(కెప్టెన్), విరాట్ కోహ్లీ, అనుజ్ రావత్, దినేశ్ కార్తీక్, రూథర్ఫర్డ్, అహ్మద్, హసరంగ, డేవిడ్ విల్లే, హర్షల్ పటేల్, ఆకాశ్ దీప్, మహమ్మద్ సిరాజ్.
ఇదీ చదవండి: ICC Rankings: మెరుగుపడిన అశ్విన్.. మరి కోహ్లీ, రోహిత్?
