క్వాలిఫయింగ్ రేసులో నిలవాలంటే కచ్చితంగా గెలవాల్సిన మ్యాచ్లో కోల్కతా నైట్ రైడర్స్ అద్భుత విజయం సాధించింది. 60 పరుగుల తేడాతో రాజస్థాన్ రాయల్స్ను మట్టికరిపించింది. విజయంపై కోల్కతా కెప్టెన్ ఇయాన్ మోర్గాన్ హర్షం వ్యక్తం చేశాడు. తమ టీమ్ చేయాల్సిందంతా చేసిందని ఇక క్వాలిఫయింగ్కు వెళ్లడం దేవుడి దయ అన్నాడు.
"నంబర్స్ (నెట్ రన్రేట్) గురించి నాకు తెలుసు. కానీ అంతకన్నా గెలిచే స్థితిలో మేం ఉండటం ముఖ్యం. గెలవాల్సిన మ్యాచ్లో గెలిచాం. ఇక క్వాలిఫయింగ్కు వెళ్లడం దేవుడి దయ."
- ఇయాన్ మోర్గాన్, కోల్కతా నైట్ రైడర్స్ కెప్టెన్
ప్రస్తుతం కోల్కతా నైట్ రైడర్స్ జట్టు 14 పాయింట్లతో టాప్- 4 లోకి దూసుకెళ్లింది. ప్రస్తుతం ఆ జట్టు నెట్ రన్రేట్ -0.214గా ఉంది. అయితే ఇది క్వాలిఫయింగ్కు వెళ్లేందుకు అడ్డంకిగా మారే అవకాశం ఉంది.
ఆ మ్యాచ్లు కీలకం...
కేకేఆర్ జట్టు క్వాలిఫయింగ్కు చేరాలంటే ఈ రెండు మ్యాచ్ల ఫలితాలపై ఆధారపడాల్సి ఉంది.
- దిల్లీ క్యాపిటల్స్ X రాయల్ ఛాలెంజర్స్ ఆఫ్ బెంగళూరు
- సన్ రైజర్స్ ఆఫ్ హైదరాబాద్ X ముంబయి ఇండియన్స్
సన్ రైజర్స్, ముంబయి మ్యాచ్లో హైదరాబాద్ గెలిస్తే.. దిల్లీ క్యాపిటల్స్, ఆర్సీబీ మ్యాచ్లో ఏ జట్టైనా ఘోరంగా ఓడిపోతేనే కేకేఆర్కు క్వాలిఫయింగ్కు వెళ్లే అవకాశం ఉంటుంది.
