బుధవారం జరిగిన మ్యాచ్లో కోల్కతాను చిత్తు చేసింది ఆర్సీబీ. ఈ సందర్భంగా జట్టు విజయంపై హర్షించిన బెంగూళూరు జట్టు కెప్టెన్ విరాట్ కోహ్లీ.. చాలా మంది ప్రేక్షకులకు ఆర్సీబీపై నమ్మకం ఉండదని అన్నాడు. కానీ జట్టు సభ్యులు, తాను.. పూర్తి విశ్వాసంతో ఉంటామని, అదే చాలా ముఖ్యమని పేర్కొన్నాడు.
" జట్టులో ఎంత గొప్ప ఆటగాళ్లున్నా ఎవరిపై వారికి నమ్మకం లేకపోతే విజయం సాధించలేం. ఈ మ్యాచ్ ప్రారంభంలో వాషింగ్టన్ సుందర్, మోరిస్ మాత్రమే మొదట బౌలింగ్ అవకాశం ఇద్దాం అనుకున్నా. కానీ, మోరిస్తో కలిసి సిరాజ్కు అవకాశమిచ్చాను. ప్లాన్ ఏ, ప్లాన్ బీతో సిద్ధంగా ఉన్నాం. టీం కూడా దానికి అనుగుణంగా కృషి చేశారు".
-విరాట్ కోహ్లీ, రాయల్ ఛాలెంజర్స్ బెంగుళూరు జట్టు కెప్టెన్
సిరాజ్, మోరిస్లపై ప్రశంసలు..
తనదైన శైలిలో అత్యుత్తమ బౌలింగ్ చేసి ఈ మ్యాచ్లో ఓ అరుదైన రికార్డు నెలకొల్పిన సిరాజ్ను కెప్లెన్ కోహ్లీ ప్రశంసించాడు. గతేడాది సిరాజ్కు చేదు అనుభవాలు ఎదురయ్యాయని గుర్తుచేశాడు. ప్రస్తుతం సిరాజ్ ఆట చాలా మారిందని, ఇలాగే కొనసాగాలని కోరుకున్నాడు.
మోరిస్పై కూడా ప్రశంసల వర్షం కురింపించాడు విరాట్ కోహ్లీ. మోరిస్ దృఢ సంకల్పంతో ఉంటాడని అన్నాడు. మ్యాచ్లో బాధ్యతాయుతంగా ఉంటాడని, ఓ నాయకుడిలా ప్రవర్తిస్తాడని పేర్కొన్నాడు.
ఇదీ చదవండి:కోల్కతాపై బెంగళూరు ఘన విజయం
