రుతురాజ్ గైక్వాడ్.. గతేడాది ఐపీఎల్లో అంతగా పరిచయం లేని పేరు. ఈ సీజన్లో వ్యక్తిగత కారణాల వల్ల చెన్నై సూపర్ కింగ్స్ ఆటగాడు సురేశ్ రైనా లీగ్ నుంచి తప్పుకోవడం వల్ల అందరి చూపు గైక్వాడ్పైకి వెళ్లింది. కానీ ఈ యువ ఆటగాడు ఎలా ఆడాతాడా? అనే అనుమానం అందరిలోనూ ఉండేది. ఆదిలోనే కరోనా రావడం వల్ల ఇతడి ప్రదర్శనపై సందేహాలు తలెత్తాయి. కానీ వాటన్నంటినీ పటాపంచలు చేస్తూ చెన్నై తరఫున ఓ రికార్డు సృష్టించాడు రుతురాజ్.
తొలి చెన్నై ఆటగాడిగా
2019 సీజన్ మొత్తం బెంచ్కే పరిమితమైన రుతురాజ్ ఈ సీజన్లో అందివచ్చిన అవకాశాన్ని దుర్వినియోగం చేసేలా కనిపించాడు. ప్రారంభంలో మూడు మ్యాచ్ల్లో రెండుసార్లు డకౌట్గా వెనుదిరిగి అభిమానుల నమ్మకాన్ని వమ్ము చేశాడు. కానీ చివరి మూడు మ్యాచ్ల్లో వరుసగా హాఫ్ సెంచరీలతో చెలరేగాడు. రాయల్ ఛాలెంజర్స్ బెంగళూరుతో జరిగిన మ్యాచ్లో 65 పరుగులతో నాటౌట్గా నిలిచిన రుతురాజ్, తర్వాత కోల్కతాతో జరిగిన మ్యాచ్లో 72 పరుగులు చేసి జట్టు విజయంలో కీలకపాత్ర పోషించాడు. అలాగే ఈరోజు (ఆదివారం) పంజాబ్తో జరిగిన మ్యాచ్లో 62 పరుగులతో మరో అర్ధశతకం సాధించి నాటౌట్గా నిలిచాడు. ఈ మూడు మ్యాచ్ల్లో చెన్నై గెలవడం విశేషం. ఫలితంగా చెన్నై తరఫున వరుసగా మూడు అర్ధసెంచరీలు చేసిన తొలి ఆటగాడిగా రికార్డు సృష్టించాడీ యువఆటగాడు.
సెహ్వాగ్ సరసన
చివరి మూడు మ్యాచ్ల్లో మూడు హాఫ్ సెంచరీలు చేసిన రుతురాజ్ జట్టుకు విజయాన్నందిచడంలో కీలకపాత్ర పోషించాడు. దీంతో ఈ మూడు మ్యాచ్ల్లోనూ మ్యాన్ ఆఫ్ ద మ్యాచ్గా నిలిచాడు. ఫలితంగా వరుసగా మూడుసార్లు మ్యాన్ ఆఫ్ ద మ్యాచ్ అవార్డు సాధించిన మూడో భారత బ్యాట్స్మన్గా రికార్డులకెక్కాడు. ఇంతకుముందు సెహ్వాగ్, కోహ్లీ ఈ ఘనత సాధించారు.
