అబుదాబి వేదికగా మరో రసవత్తర పోరుకు రంగం సిద్ధమైంది. ఆడిన తొమ్మిది మ్యాచుల్లో ఆరు మ్యాచులు గెలిచి పాయింట్ల పట్టికలో మూడో స్థానంలో ఉన్న బెంగళూరు జట్టు.. ఐదు మ్యాచ్లు గెలిచి పాయింట్ల పట్టికలో నాలుగో స్థానంలో ఉన్న కోల్కతా నైట్ రైడర్స్ అమీతుమీ తేల్చుకోనున్నాయి. ఇరుజట్లు ఈ మ్యాచ్లో గెలవాలనే పట్టుదలతో బరిలోకి దిగుతున్నాయి. ఈ సందర్భంగా రెండు జట్ల బలాలు, బలహీనతలపై ఓ లుక్కేద్దాం.
అదే ఫామ్ కొనసాగిస్తే విజయం పక్కా!
రాయల్ ఛాలెంజర్స్ బెంగళూరు ఓపెనర్లు దేవ్దత్ పడిక్కల్, ఆరోన్ ఫించ్ మంచి ప్రదర్శన చేస్తున్నారు. గత మ్యాచ్లో రాజస్థాన్ రాయల్స్పై కెప్టెన్ విరాట్ కోహ్లీ అద్భుత ఇన్నింగ్స్తో జట్టుకు విజయాన్ని అందించాడు. మిడిల్ ఆర్డర్లో ఏబీ డివిలియర్స్, శివమ్ దూబె ఫామ్లో ఉన్నారు. ఇక క్రిస్ మోరిస్ రాకతో బౌలింగ్ లైనప్ మరింత శక్తిమంతంగా మారింది. గత మ్యాచ్ల్లోని తుది జట్టు అద్భుతంగా రాణించడం వల్ల ఈ మ్యాచ్లో ఆటగాళ్లను దాదాపుగా మార్చే అవకాశం లేదు. అందరూ ఫామ్ కొనసాగిస్తే ఆర్సీబీ విజయం సాధించడం ఖాయం.
కోల్కతా నైట్ రైడర్స్
కోల్కతా నైట్ రైడర్స్.. లీగ్ ప్రారంభం నుంచి మిశ్రమ ప్రదర్శన చేస్తోంది. ఓ మ్యాచ్లో అదరగొట్టిన ఆటగాళ్లు మరో మ్యాచ్లో తేలిపోతున్నారు. శుభ్మన్ గిల్, నితీశ్ రాణా , త్రిపాఠి, మోర్గాన్, కార్తీక్ గత మ్యాచ్లో సన్రైజర్స్పై బాగానే రాణించారు. రసెల్ మాత్రం విఫలమయ్యాడు. బౌలింగ్లో ఫెర్గుసన్ మూడు వికెట్లు పడగొట్టి అందరీ దృష్టిని ఆకర్షించాడు. ఇతడు ఈ ఫామ్ను కొనసాగిస్తే బెంగళూరును ఎక్కవ స్కోరు చేయకుండా కట్టడి చేయవచ్చు. కమిన్స్, శివమ్ మావి, వరుణ్ చక్రవర్తి, కుల్దీప్ యాదవ్ పర్వాలేదనిపిస్తున్నారు. ఆర్సీబీపై గెలవాలంటే జట్టు సమష్టిగా రాణించాల్సిన అవసరం ఉంది
జట్లు (అంచనాలు)
రాయల్ ఛాలెంజర్స్ బెంగళూరు
ఆరోన్ ఫించ్, దేవదత్ పడిక్కల్, కోహ్లీ (కెప్టెన్), డివిలియర్స్, గురుకీరత్ సింగ్ మన్, వాషింగ్టన్ సుందర్, క్రిస్ మోరిస్, షాహబాద్ అహ్మద్, ఇసురు ఉదానా, నవదీప్ సైనీ, చాహల్
కోల్కతా: రాహుల్ త్రిపాఠి, శుభ్మన్ గిల్, నితీశ్ రాణా, మోర్గాన్(కెప్టెన్), దినేశ్ కార్తిక్, రసెల్, క్రిస్ గ్రీన్, కమిన్స్, శివమ్ మావి, వరుణ్ చక్రవర్తి, ప్రసిద్ధ్ కృష్ణ
