చెన్నై సూపర్ కింగ్స్ సారథి ధోనీని ప్రశంసించాడు భారత దిగ్గజ బ్యాట్స్మన్ సునీల్ గావస్కర్. అతనో గొప్ప క్రికెటర్, తన బ్యాటింగ్, వికెట్ కీపింగ్, నాయకత్వ లక్షణాలు అద్భుతమని కొనియాడాడు. మహీ దేశవాళీ క్రికెట్ ఆడాలని సూచించాడు. దీంతో ఫిట్నెస్ పెరిగి వచ్చే ఐపీఎల్లో మరింత పుంజుకునే అవకాశముందని అన్నాడు.
"ధోనీ అద్భుతమైన ఆటగాడు. అతడు ఉండే విధానం నాకు చాలా నచ్చుతుంది. తన ఆటను నేను బాగా ఎంజాయ్ చేశాను. ఇకపై మహీ దేశవాళీ క్రికెట్లో ఆడితే బాగుంటుంది. తద్వారా మళ్లీ ఫామ్లోకి రావొచ్చు. వచ్చే ఐపీఎల్లో 400 పరుగులు చేసే సామర్థ్యం పొందుతాడు."
-గావస్కర్, భారత దిగ్గజ క్రికెటర్.
వచ్చే ఏడాది ప్రారంభం నుంచి దేశవాళీ క్రికెట్ నిర్వహించేలా ప్రణాళిక సిద్ధం చేస్తున్నామని బీసీసీఐ అధ్యక్షుడు గంగూలీ ఇటీవల ప్రకటించాడు.
ఇదీ చూడండి హామిల్టన్ ఖాతాలో మరో విజయం
