గురువారం రాత్రి రాయల్ ఛాలెంజర్స్ బెంగళూరుతో జరిగిన మ్యాచ్లో విజయం సాధించింది కింగ్స్ ఎలెవన్ పంజాబ్. ఈ గెలుపుపై పంజాబ్ కెప్టెన్ కేఎల్ రాహుల్ స్పందించాడు. ఈ విజయంతో తమ ఆత్మవిశ్వాసం మరింత పెరిగిందని వెల్లడించాడు.
"బెంగళూరుపై విజయంతో జట్టులో ఆత్మవిశ్వాసం పెరిగింది. పాయింట్ల పట్టికలో చివర్లో ఉన్నా.. బాగానే ఆడుతున్నాం. నేను గతంలో చాలా మ్యాచ్లు ఆడాను. కానీ ఇలాంటి మ్యాచ్ ఎప్పుడూ చూడలేదు. ఆద్యంతం ఉత్కంఠభరితంగా సాగిన మ్యాచ్ అందర్నీ అలరించింది."
- కేఎల్ రాహుల్, పంజాబ్ కెప్టెన్
రాహుల్ ఈ మ్యాచ్లో 49 బంతుల్లో 61 పరుగులు చేసి జట్టు విజయంలో కీలక పాత్ర పోషించాడు.
చివర్లో తడబడినా..:
గురువారం జరిగిన మ్యాచ్లో మొదట్లో పంజాబ్ దూకుడుగా ఆడినా చివరి ఓవర్లలో వేగంగా పరుగులు చేయలేకపోయింది. కరీబియన్ వీరుడు క్రిస్ గేల్ మూడో స్థానంలో వచ్చి చెలరేగిపోయాడు. గేల్ , రాహుల్ 93 పరుగుల భాగస్వామ్యం జట్టు విజయంలో కీలకపాత్ర పోషించింది .
ఎప్పుడొచ్చామన్నది కాదు :
గురువారం జరిగిన మ్యాచ్లో గేల్ ప్రదర్శనను ప్రశంసించారు రాహుల్.' గేల్ ఆకలితో ఉన్న సింహం 'అని అభివర్ణించారు. 'ఎన్నో స్థానంలో బరిలోకి దిగినా గేల్ తన విధ్వంసకర బ్యాటింగ్తో అలరిస్తాడ'ని తెలిపారు.
