సన్రైజర్స్ హైదరాబాద్ రసవత్తర పోరుకు సిద్ధమైంది. రాయల్ ఛాలెంజర్స్ బెంగళూరుతో శనివారం హోరాహోరీగా తలపడనుంది. ఫ్లేఆఫ్స్కు అర్హత సాధించాలంటే వార్నర్ సేనకు ఈ మ్యాచ్ ఎంతో ముఖ్యం. మరి ఏం చేస్తుందో చూడాలి. ఈ మ్యాచ్ రాత్రి 7.30 గంటలకు ప్రారంభం కానుంది.
హైదరాబాద్ గెలవాల్సిందే
దిల్లీపై గెలిచి జోష్ మీదున్న హైదరాబాద్.. ప్లేఆఫ్స్లో చోటే లక్ష్యంగా ఆడుతోంది. గత మ్యాచ్లో అదరగొట్టిన వార్నర్(66), సాహా(87)తో పాటు మిడిలార్డర్లో మనీశ్ పాండే రాణిస్తున్నాడు. బౌలింగ్లోనూ స్పిన్నర్ రషీద్ ఖాన్, సందీప్ శర్మ, నటరాజన్ ఆకట్టుకునే ప్రదర్శన చేస్తున్నారు. ఇదే జోరు కొనసాగితే బెంగళూరుకు కష్టమే!
ప్రస్తుతం 12 మ్యాచ్లాడి 10 పాయింట్లతో ఆరో స్థానంలో ఉన్న హైదరాబాద్.. మిగిలిన రెండు మ్యాచ్ల్లోనూ కచ్చితంగా గెలవాలి. అప్పుడే ప్లేఆఫ్స్ రేసులో నిలుస్తుంది. దీంతో ఇతర మ్యాచ్ల ఫలితాలపై సన్రైజర్స్ భవిష్యత్తు ఆధారపడి ఉంటుంది.
బెంగళూరు ఏం చేస్తుందో?
గత రెండు మ్యాచుల్లో ఓడిన ఆర్సీబీ.. హైదరాబాద్పై కచ్చితంగా గెలవాలనే పట్టుదలతో ఉంది. ఒకవేళ ఇందులో గెలిస్తే నేరుగా ప్లేఆఫ్స్కు అర్హత సాధిస్తుంది. యువ ఆటగాడు దేవ్దత్ పడిక్కల్, కోహ్లీ, డివిలియర్స్ ఫుల్ఫామ్లో ఉన్నారు. ఇతర బ్యాట్స్మెన్ ఫిలిప్, గుర్కీరత్ సింగ్, శివమ్ దూబే, మోరిస్.. వీరికి సహకారమందించాల్సిన అవసరముంది. బౌలింగ్ విభాగంలోనూ బలపడాల్సి ఉంది. మరి రషీద్ ఖాన్ స్పిన్ను బెంగళూరు బ్యాట్స్మెన్ ఎలా ఎదుర్కొంటారో చూడాలి.
జట్లు(అంచనా)
హైదరాబాద్: డేవిడ్ వార్నర్ (కెప్టెన్), వృద్ధిమాన్ సాహా, విలియమ్సన్, మనీశ్ పాండే, ప్రియమ్ గార్గ్, విజయ్ శంకర్, జేసన్ హోల్డర్, రషీద్ ఖాన్, ఖలీల్ అహ్మద్, సందీప్ శర్మ, నటరాజన్
బెంగళూరు: దేవదత్ పడిక్కల్, జోష్ ఫిలిప్, కోహ్లీ (కెప్టెన్), డివిలియర్స్, గురుకీరత్, శివం దూబే, మోరిస్, సుందర్, ఉదానా, సిరాజ్, చాహల్
