అబుదాబి పిచ్ వికెట్లు తీసేందుకు అనుకూలంగా ఉంటుందని చెన్నై సూపర్కింగ్స్ ఆల్రౌండర్ బ్రావో చెప్పాడు. తాను వీలైనన్ని పరుగులను నియంత్రించాలని అనుకున్నానని, సారథి ధోనీ మాత్రం వికెట్లు తీయాలని తనతో చెప్పినట్లు తెలిపాడు. అందుకే కోల్కతా బ్యాట్స్మెన్ను కట్టడి చేసేందుకు యార్కర్లు వేసినట్లు వెల్లడించాడు. తనవరకు యార్కర్లు ఎంతో ఉత్తమమైనవని అభిప్రాయపడ్డాడు.
"ఆక్కడి పిచ్ వికెట్లు పడగొట్టేందుకు అనుకూలం. నెమ్మదైన బంతులు వేస్తానని ప్రత్యర్థి బ్యాట్స్మెన్ భావించారు. కానీ నేను మాత్రం యార్కర్ బౌలింగ్తో వారిని కట్టడి చేశాను. యార్కర్లు వేయడం ఎంతో సురక్షితం, ఉత్తమమం"
-బ్రావో, సీఎస్కే ఆల్రౌండర్.
150 వికెట్ల క్లబ్లో బ్రావో
కోల్కతాతో మ్యాచ్లో మూడు వికెట్లు తీసిన బ్రావో.. ఐపీఎల్లో 150 వికెట్ల క్లబ్లో చేరిన రెండో బౌలర్ పేసర్గా నిలిచాడు. ఈ ఘనత సాధించిన వారిలో మలింగ(170) తొలి స్థానంలో ఉన్నాడు. స్పిన్నర్లలో పియూష్ చావ్లా, హర్భజన్ సింగ్ ఇప్పటికే ఈ జాబితాలో ఉన్నారు.
ఈ మ్యాచ్లో కోల్కతా చేతిలో 10 పరుగుల తేడాతో చెన్నై ఓడింది. బౌలర్లు రాణించినా సరే బ్యాట్స్మెన్ విఫలమయ్యారు.
ఇదీ చూడండి ఐపీఎల్లో ధోనీ, బ్రావో సరికొత్త రికార్డులు
