సన్రైజర్స్ హైదరాబాద్ విజయరహస్యాన్నివెల్లడించారు ఆ జట్టులోని బౌలర్ భువనేశ్వర్ కుమార్ చిన్ననాటి కోచ్ సంజయ్ రాస్తోగి. టాస్ గెలిచి, బౌలింగ్ ఎంచుకోవడమే వారికి బలమని చెప్పారు. అందుకే గతేడాది ఎక్కువ మ్యాచులు గెలిచిందని అన్నారు. ఇదే ఫార్ములాను ఈ సీజన్లోనూ కొనసాగించాలని సూచించారు. తద్వారా ఎక్కువగా గెలిచే అవకాశముందన్నారు. బలమైన బ్యాటింగ్ లైనప్ లేదని అభిప్రాయం వ్యక్తం చేశారు.
ఈ మెగాలీగ్లో తన ఫేవ్రేట్ జట్టు హైదరాబాద్ అని చెప్పిన సంజయ్... భువనేశ్వర్ కుమార్, ప్రియమ్ గార్గ్ ఆ ఫ్రాంచైజీలో ఉండటమే అందుకు కారణమని అన్నారు.
తర్వాతి(సెప్టెంబరు 26న) మ్యాచ్లో కోల్కతాతో సన్రైజర్స్ అమీతుమీ తేల్చుకోనుంది. ఇప్పటికే తొలి మ్యాచ్లో బెంగళూరుపై ఓడిపోయింది. కోల్కతా నైట్రైడర్స్, తన మొదటి మ్యాచ్లో ఓటమిపాలైంది. శనివారం జరిగే మ్యాచ్లో గెలిచి పాయింట్ల పట్టికలో బోణీ కొట్టాలని ఇరుజట్లు పట్టుదలతో ఉన్నాయి.
ఇదీ చూడండి 'రైనా రీఎంట్రీ కోసం ఎదురుచూడట్లేదు'
