తమ జట్టులో సీనియర్ పేసర్ లసిత్ మలింగ గైర్హాజరు వల్ల మరొక ఆటగాడు తన సత్తా నిరూపించుకోవడానికి అవకాశం దొరికిందని అభిప్రాయపడ్డాడు ముంబయి ఇండియన్స్ సారథి రోహిత్ శర్మ. ప్యాటిన్సన్ అద్భుతంగా బౌలింగ్ చేస్తున్నాడని కొనియాడాడు.
"పొలార్డ్ లాంటి ఆటగాడు మా జట్టులో ఉండటం మంచి విషయం. అతడు గొప్ప ఆటగాడు. అద్భుతంగా రాణించగలడు. మలింగ అనివార్య కారణాల వల్ల ఈ సీజన్కు దూరమయ్యాడు. అయినా ఏమి పర్వాలేదు. అతడి స్థానంలో మరొక ఆటగాడికి తన సామర్థ్యం నిరూపించుకునే అవకాశం దొరికింది. ప్యాటిన్సన్ అద్భుత ప్రదర్శన కనబరుస్తున్నాడు."
-రోహిత్ శర్మ, ముంబయి ఇండియన్స్ సారథి
ఈ సీజన్లో డెత్ ఓవర్లలో బౌలింగ్ వేయడానికి మలింగ స్థానంలో జేమ్స్ ప్యాటిన్సన్కు అవకాశం కల్పించింది ముంబయి. ఇతడు కూడా ఆకట్టుకునే ప్రదర్శన చేస్తున్నాడు.
ఇదీ చూడండి డెత్ ఓవర్లు వేయడమే సవాల్‌: బౌల్ట్‌
