ఈ ఏడాది జరగబోయే ఇండియన్ ప్రీమియర్ లీగ్ (ఐపీఎల్) కోసం క్రీడాకారుల వేలం డిసెంబరు 19న కోల్కతాలో జరగనుంది. ఈ తేదీ, వేదికను మంగళవారం జరిగిన ఐపీఎల్ పాలక మండలి సమావేశంలో నిర్ణయించారు.
దేశవ్యాప్తంగా ఎంతో ప్రజాదరణ పొందిన ఈ లీగ్.. సాధారణంగా ఏటా ఏప్రిల్-మే నెలల్లో జరుగుతుంది. ఈ వేలం కోల్కతాలో మొదటిసారిగా జరుగుతోంది.
బెంగళూరు నుంచి కోల్కతాకు
ఏటా సంప్రదాయంగా బెంగళూరులో జరిగే ఈ వేలం.. ఈసారి కోల్కతాలో నిర్వహించనున్నట్లు పాలక మండలి తెలిపింది. ఐపీఎల్ 2019 కోసం ఒక్కో ఫ్రాంచైజీలకు రూ.82కోట్లు కేటాయించగా.. 2020నాటికి ఒక్కో జట్టుకు రూ.85 కోట్లు కేటాయించారు.
గత వేలంలో ఫ్రాంచేజీలకు మిగిని పోయిన సొమ్ముతో పాటు ఈ మూడు కోట్లు అదనంగా అందివ్వాలని నిర్ణయించారు. ఈ రకంగా చూస్తే దిల్లీ క్యాపిటల్స్ 8.2 కోట్ల రూపాయల బ్యాలెన్స్తో మొదటి స్థానంలో ఉంది. రూ.7.15 కోట్లతో రాజస్థాన్ రాయల్స్ తర్వాతి స్థానంలో నిలిచింది. ఇక కోల్కతా 6.05 కోట్లతో మూడో స్థానంలో ఉంది.
వేలానికి ముందు ఫ్రాంచైజీలకు మిగిలి ఉన్న నిధులు
చెన్నై సూపర్ కింగ్స్-రూ.3.2కోట్లు, దిల్లీ క్యాపిటల్స్-రూ.7.7 కోట్లు, కింగ్స్ XI పంజాబ్-రూ.3.7 కోట్లు, కోల్కతా నైట్ రైడర్స్-రూ. 6.05 కోట్లు, ముంబయి ఇండియన్స్-రూ.3.5 కోట్లు, రాజస్థాన్ రాయల్స్-రూ. 7.15 కోట్లు, రాయల్ చాలెంజర్స్ బెంగళూరు-రూ.1.80 కోట్లు, సన్రైజర్స్ హైదరాబాదు-రూ.5.30 కోట్లు.
ఇది కూడా చడవండి: భాగ్యనగరంలో ఐపీఎల్ ట్రోఫీ సందడి
