విజృంభించిన శిఖర్... దిల్లీ విజయం

ఐపీఎల్ 2019 సీజన్​లో గురువారం కోల్​కతాపై దిల్లీ విజయం సాధించింది. కోల్​కతా వేదికగా జరిగిన మ్యాచ్​లో 7 వికెట్ల తేడాతో దిల్లీ క్యాపిటల్స్ గెలిచింది. శిఖర్ 97 పరుగులతో దిల్లీ జట్టుకు విజయాన్ని అందించాడు. కోల్​కతా ఆటగాడు శుభ్​మన్ గిల్(65) అర్ధశతకం వృథా అయింది.

కోల్​కతా నైట్​ రైడర్స్​తో జరిగిన మ్యాచ్​లో దిల్లీ క్యాపిటల్స్ ఘన విజయం సాధించింది. 179 పరుగుల లక్ష్యాన్ని 7 వికెట్లు కోల్పోయి ఛేదించింది దిల్లీ. కోల్​కతా వేదికగా జరిగిన మ్యాచ్​లో దిల్లీ బ్యాట్స్​మెన్ శిఖర్ ధావన్(97*) అదరగొట్టగా, పంత్ 46 పరుగులతో బాధ్యతయుత ఇన్నింగ్స్​ ఆడాడు. కోల్​కతా బౌలర్లలో ప్రసిధ్ కృష్ణ, రసెల్, నితీశ్ రానా తలో వికెట్ తీసుకున్నారు.

శికర్​ మెరుపులు

టాస్ గెలిచి బౌలింగ్ ఎంచుకున్న దిల్లీ జట్టు కోల్​కతాను 178 పరుగులకు పరిమితం చేసింది. ధాటిగా బ్యాటింగ్ ఆరంభించిన దిల్లీ క్యాపిటల్స్ మూడో ఓవర్లోనే పృథ్వీ షా(14) వికెట్ కోల్పోయింది. అనంతరం కొద్దిసేపటికే కెప్టెన్ శ్రేయాస్(6) రసెల్ బౌలింగ్​లో ఔటయ్యాడు. వీరిద్దరు ఔటైనా... శిఖర్- పంత్ జోడీ మరో వికెట్ పడకుండా ఇన్నింగ్స్​ని గాడిలో పెట్టింది. ధావన్ 97 పరుగులతో చెలరేగగా... పంత్ 46 పరుగులు చేశాడు. వీరిద్దరు 105 పరుగుల భాగస్వామ్యాన్ని నమోదు చేశారు. తర్వాత రిషభ్ ఔటైనా.. ధావన్- ఇంగ్రామ్ మిగతా పని పూర్తి చేశారు. విజయానికి 10 పరుగుల కావాల్సిన తరుణంలో ఇంగ్రామ్ ఫోర్, సిక్సర్​తో ఇన్మింగ్స్​ను ముగించాడు.

ధావన్​- పంత్​ భాగస్వామ్యం

ధావన్ సెంచరీ మిస్..

దిల్లీ ఇన్నింగ్స్​ ఆరంభం నుంచి శిఖర్​ ధావన్ తనదైన శైలిలో దూకుడుగా ఆడాడు. ఎడాపెడా బౌండరీలు బాదుతూ.. స్కోరు వేగాన్ని పెంచాడు. 63 బంతుల్లో 97 పరుగులు చేసి నాట్​ ఔట్​గా నిలిచాడు. ఐపీఎల్​లో ధావన్​ తన తొలి సెంచరీ నమోదు చేస్తాడనే అనుకున్నారు అంతా. ఐతే పంత్​ ఔట్​ అయ్యాక క్రీజ్​లోకి వచ్చిన ఇంగ్రామ్​... చివర్లో రెండు బౌండరీలు కొట్టి దిల్లీకి విజయాన్ని అందించడం వల్ల ధావన్​ సెంచరీ మిస్​ అయ్యింది. ధావన్ 11 ఫోర్లు, 2 సిక్సర్లు బాదాడు.

మొదట బ్యాటింగ్ చేసిన కోల్​కతా నిర్ణీత 20ఓవర్లలో 7 వికెట్లు కోల్పోయి 178 పరుగులు చేసింది. శుభ్​మన్ గిల్(65) అర్ధశతకంతో రాణించాడు. చివర్లో రసెల్(45) మెరుపులతో గౌరవప్రదమైన స్కోరు చేసింది కోల్​కతా జట్టు. రాబిన్ ఊతప్ప 28 పరుగులతో పర్వాలేదనిపించినా... మిగతా బ్యాట్స్​మెన్ పెద్దగా రాణించలేదు. దిల్లీ బౌలర్లలో మోరిస్, రబాడా, కీమో పాల్ తలో రెండు వికెట్లు తమ ఖాతాలో వేసుకున్నారు.

• The @DelhiCapitals climb up in the points table after their win today against #KKR pic.twitter.com/ZInil5Tcja

  — IndianPremierLeague (@IPL) April 12, 2019 " class="align-text-top noRightClick twitterSection" data="

  The @DelhiCapitals climb up in the points table after their win today against #KKR pic.twitter.com/ZInil5Tcja

  — IndianPremierLeague (@IPL) April 12, 2019

  ">

  The @DelhiCapitals climb up in the points table after their win today against #KKR pic.twitter.com/ZInil5Tcja

  — IndianPremierLeague (@IPL) April 12, 2019