ఇంగ్లాండ్ పర్యటనలో ఉన్న టీమ్ఇండియా ఆటగాళ్లు ఓ ఫొటోషూట్ నిర్వహించారు. ఈ ఫొటోలను కే.ఎల్ రాహుల్ తన ఇన్స్టాగ్రామ్ ఖాతాలో షేర్ చేశాడు.
కొన్ని ఫొటోల్లో విరాట్ కోహ్లీ స్టైలిష్ లుక్స్తో అదరగొట్టాడు. ఇంకో ఫొటోలో ఉమేశ్ యాదవ్, విరాట్, కేఎల్ రాహుల్, ఇషాంత్ శర్మ, మయాంక్ అగర్వాల్ కనపడ్డారు. అయితే ఈ పిక్ షేర్ చేస్తూ.. "ఈ ఫొటో తీసింది ఎవరో తెలుసా?" అన్న క్యాప్షన్ జోడించాడు రాహుల్. అనంతరం విరాట్ సతీమణి అనుష్క శర్మ, రాహుల్ గర్ల్ఫ్రండ్, నటి అథియా శెట్టి ఫొటో తీస్తున్న పిక్ను షేర్ చేశాడు. ఆ ఫొటోలో ఉమేశ్ భార్య తన్యా వాద్వా, ఇషాంత్ సతీమణి ప్రతిమా సింగ్, బీసీసీఐ మీడియా బృందం సీనియర్ ప్రొడ్యూసర్ రాజల్ ఆరోరా కూడా ఇందులో ఉన్నారు.
ప్రస్తుతం ఈ ఫొటోలు నెట్టింట చక్కర్లు కొడుతున్నాయి. ముఖ్యంగా కోహ్లీ అండ్ బాయ్స్ స్టైలిష్ స్టిల్స్ చూసి అభిమానులు వావ్ అంటున్నారు.
డబ్ల్యూటీసీ ఫైనల్ అనంతరం.. ఇంగ్లాండ్తో సుదీర్ఘ పర్యటన కోసం దాదాపు రెండు నెలలుగా ఆ దేశంలోనే ఉంటోంది టీమ్ఇండియా. ఐదు టెస్టుల సిరీస్లో భాగంగా తొలి మ్యాచ్ ట్రెంట్ బ్రిడ్జ్ వేదికగా ఆగస్టు 4న ప్రారంభం అవుతుంది. రెండో టెస్టు లార్డ్స్ వేదికగా ఆగస్టు 12 నుంచి జరగనుంది.
ఇదీ చూడండి:- ఇంగ్లాండ్ పర్యటనకు సూర్య, పృథ్వీ షా..
