INDw Vs AUSw : మహిళల టీ20 వరల్డ్ కప్ నాకౌట్లోకి అడుగుపెట్టింది. మొత్తం పది జట్లు టైటిల్ రేసులో నిలిచాయి. అందులో నుంచి నాలుగు జట్లు సెమీ ఫైనల్కు చేరాయి. గ్రూప్-ఏ నుంచి సౌతాఫ్రికా, ఆస్ట్రేలియా.. గ్రూప్-బీ నుంచి ఇంగ్లాండ్, భారత్ వెళ్లాయి. ఇక సెమీస్లో బరిలో ఆస్ట్రేలియాతో టీమ్ఇండియా.. సౌతాఫ్రికాతో ఇంగ్లాండ్ తలపడనున్నాయి.
కాగా, కామన్వెల్త్ గేమ్స్లో ఆసీస్ చేతిలో ఓటమి చవిచూసిన భారత్.. ఈసారి ఎలాగైనా గెలిచి కంగారూలపై ప్రతీకారం తీసుకునేందుకు ఉత్సాహంగా ఉంది. కానీ అది అంత సులువు కాదు. ఎందుకంటే.. గ్రూప్ స్టేజ్లో ఇప్పటివరకు నాలుగు మ్యాచ్లు ఆడిన ఆసీస్ అన్నింటిలోనూ ఘన విజయం సాధించింది. కివీస్పై 97 పరుగుల తేడాతో సూపర్ విక్టరీ సాధించింది. ఇక, శ్రీలంకపై పది వికెట్ల తేడాతో గెలిచింది. ఈ మ్యాచ్లో శ్రీలంక ఇచ్చిన 113 పరుగుల టార్గెట్ను వికెట్లు కోల్పోకుండా 16 ఓవర్లలోనే ఛేదించింది. మరోవైపు ఆసీస్ జట్టు కూడా చాలా బలంగా ఉంది. అత్యధిక పరుగులు సాధించిన మూడో ప్లేయర్గా ఆ జట్టు బ్యాటర్ అలీసా హీలే నిలిచింది. ఇక బౌలింగ్ విషయంలో గార్డనర్ సూపర్ ఫామ్లో ఉంది. ఈ ప్లేయర్తో పాటు.. బెత్ మూనీ, కెప్టెన్ మెగ్ లానింగ్‌, ఆష్లే గార్డెనర్, ఎల్సే పెర్రీ, తహిలా మెక్గ్రాత్ వంటి టాప్‌ ప్లేయర్లతో ఆసీస్ జట్టు బలంగా ఉంది.
ఇక టీమ్ఇండియాకు ఆసీస్పై అంత గొప్ప రికార్డు లేదు. ఇప్పటి వరకు 30 టీ20ల్లో ఆస్ట్రేలియాతో టీమ్ఇండియా తలపడింది. అందులో కేవలం 7 మ్యాచ్ల్లో మాత్రమే భారత్ గెలిచింది. 22 మ్యాచ్ల్లో ఆసీస్ విజయం సాధించింది. ఇక ఒక మ్యాచ్ డ్రాగా ముగిసింది. గత ఐదు మ్యాచ్ల్లో ఒక్క దాంట్లో మాత్రమే టీమ్ఇండియా గెలుపొందింది. దీనికి తోడు స్మృతీ మంధాన, హర్మన్ ప్రీత్ కౌర్, షెఫాలీ వర్మ, జెమీమా రోడ్రిగ్స్, దీప్తి శర్మ లాంటి ప్లేయర్లు కీలక సమయాల్లో హ్యాండ్ ఇవ్వడం ఆందోళన కలిగించే విషయం.
అయితే, గురువారం(ఫిబ్రవరి 23) జరిగే మ్యాచ్లో వీటన్నింటినీ పరిగణలోకి తీసుకోవాలి. ఓపెనర్లు స్మృతి మంధాన, షెఫాలీ వర్మ జట్టుకు మంచి స్టార్ట్ను అందించాలి. వీలు వీలైనంత ఎక్కువ సమయం క్రీజులో ఉండేలా చూసుకోవాలి. ఇక బ్యాటింగ్లో విఫలమవుతున్న స్టార్ బ్యాటర్ దీప్తి శర్మ రాణించాలి. అలా దాదాపు 170 పరుగుల లక్ష్యాన్ని ఆసీస్కు నిర్దేశించాలి. అప్పుడే కంగారూలను కట్టిడి చేసే అవకాశం ఉంటుంది.
మ్యాచ్ ఇందులో చూడొచ్చు..
స్టార్ స్పోర్ట్స్‌ ఛానెల్స్‌, డీస్నీ+ హాట్‌స్టార్‌(ఓటీటీ)
తుది జట్లు (అంచనాలు):
భారత జట్టు: హర్మన్ ప్రీత్ కౌర్ (కెప్టెన్), స్మృతీ మంధాన, షఫాలీ వర్మ, రిచా ఘోష్‌, జెమీమా రోడ్రిగ్స్, దీప్తి శర్మ, రాధా యాదవ్‌, పూజా వస్త్రాకర్, రాజేశ్వరి గైక్వాడ్, శిఖా పాండే, రేణుకా సింగ్‌
ఆస్ట్రేలియా జట్టు: మెగ్ లానింగ్‌ (కెప్టెన్), బెత్ మూనీ, ఎలీసా హీలే, ఆష్లే గార్డెనర్, ఎలీస్ పెర్రీ, తహిలా మెక్గ్రాత్, గ్రేస్ హారిస్‌, జార్షియా వారెహమ్, అలానా కింగ్‌, మెగన్ స్కట్, డార్సీ బ్రౌన్
