రాంచీ వేదికగా టీమ్ఇండియాతో జరుగుతున్న రెండో టీ20లో 6 వికెట్లు కోల్పోయి 153 పరుగులు చేసింది న్యూజిలాండ్. మార్టిన్ గప్తిల్ (31), డారిల్ మిచెల్ (34), గ్లెన్ ఫిలిప్స్ (34) రాణించడం వల్ల భారత్ ముందు 154 పరుగుల లక్ష్యాన్ని నిర్దేశించింది కివీస్. ఓపెనర్లు శుభారంభాన్ని అందించినా.. కివీస్ బ్యాటర్లను ఆఖర్లో భారత బౌలర్లు కట్టడి చేశారు.
టీమ్ఇండియా బౌలర్లలో హర్షల్ పటేల్ 2, దీపక్ చాహర్, అక్షర్ పటేల్, రవిచంద్రన్ అశ్విన్, భువనేశ్వర్ తలో వికెట్.
కోహ్లీ రికార్డు బ్రేక్..
ఈ మ్యాచ్తో అంతర్జాతీయ టీ20ల్లో అత్యధిక పరుగుల వీరుడిగా నిలిచాడు గప్తిల్ (3248 పరుగులు). ఇప్పటి వరకు ఈ జాబితాలో అగ్రస్థానంలో ఉన్న విరాట్ కోహ్లీని (3227 పరుగులు) అధిగమించాడు. రోహిత్ (3086 పరుగులు) మూడో స్థానంలో ఉన్నాడు.
