ఆస్ట్రేలియాతో తొలి టెస్టులో అజింక్య రహానేతో సమన్వయం లోపం వల్ల కోహ్లీ రనౌట్ అయ్యాడు. అయితే ఆ మ్యాచ్ అనంతరం తాను విరాట్ దగ్గరకు వెళ్లి క్షమాపణలు అడిగానని రహానె చెప్పాడు. ఆ సమయంలో అతడు సానుకూలంగా స్పందించాడని తెలిపాడు.
"మ్యాచ్ అయిన తర్వాత కోహ్లీని కలిసి జరిగిన విషయమై క్షమాపణలు కోరాను. దానికి అతడు సానుకూలంగా స్పందించాడు. ఆ పరిస్థితిలో మేమిద్దరం బాగానే ఆడాలని అనుకున్నాం. కానీ ఆటలో ఇలాంటి సంఘటనలు జరుగుతూనే ఉంటాయి. వాటిని గౌరవించి ముందుకు వెళ్లాలి. ఆ రనౌట్ తర్వాత మ్యాచ్లో ఆస్ట్రేలియా ఆధిపత్యం కొనసాగడం గమనించాను"
-- అజింక్య రహానె, టీమ్ఇండియా తాత్కాలిక టెస్టు కెప్టెన్
అడిలైడ్లో జరిగిన తొలి టెస్టులో టీమ్ఇండియా కెప్టెన్ కోహ్లీ రనౌట్ కావడం.. ఆ మ్యాచ్ గతినే మార్చేసింది! అజింక్య రహానేతో భాగస్వామ్యంతో క్రీజులో ఉన్న కోహ్లీ(74).. సమన్వయ లోపం వల్ల పెవిలియన్కు చేరాడు. ఈ పోరులో 8 వికెట్ల తేడాతో గెలిచిన ఆసీస్.. సిరీస్లో 1-0 ఆధిక్యం సంపాదించింది.
ఆస్ట్రేలియా భారత్ మధ్య రెండో టెస్టు శనివారం(డిసెంబరు 26) ప్రారంభం కానుంది. పితృత్వ సెలవులపై కోహ్లీ స్వదేశానికి వెళ్లగా.. తాత్కాలిక కెప్టెన్సీ బాధ్యతలను రహానె నిర్వర్తించనున్నాడు.
ఇదీ చూడండి: కోహ్లీసేనకు బ్యాడ్న్యూస్.. భువీ మరో ఆరు నెలల పాటు
