India New Zealand Tour: నవంబర్లో న్యూజిలాండ్ పర్యటనకు వెళ్లనుంది టీమ్ఇండియా. ఆస్ట్రేలియాలో జరిగే టీ20 ప్రపంచకప్ ముగిసిన తర్వాత.. కివీస్తో మూడు వన్డేలు, మూడు టీ20లు ఆడనుంది. నవంబర్ 18 నుంచి 30 వరకు ఈ సిరీస్ జరగనుంది. ఈ మేరకు న్యూజిలాండ్ క్రికెట్ బోర్డు మంగళవారం ప్రకటించింది. వచ్చే ఏడాది జనవరిలో న్యూజిలాండ్ తిరిగి భారత్లో పర్యటించనుంది.
మూడు వన్డే మ్యాచులకు ఆంక్లాండ్, హమిల్టన్, క్రైస్ట్చర్చ్ వేదికలను ఎంపిక చేయగా.. టీ20లు వెల్లింగ్టన్, తౌరంగ, నేపియర్లో జరగనున్నాయి. భారత్ ప్రస్తుతం.. ఇంగ్లాండ్తో రీషెడ్యూల్ చేసిన ఐదో టెస్టు ఆడనుంది. జులై 1-5 మధ్య ఈ మ్యాచ్ జరగనుంది. ఆ తర్వాత జులై-ఆగస్టులో వెస్టిండీస్తో మూడు వన్డేలు, ఐదు టీ20లు ఆడనుంది టీమ్ఇండియా. అనంతరం నేరుగా ఆస్ట్రేలియాలో జరిగే ప్రపంచకప్కు వెళ్లనుంది. అక్టోబర్ 16 నుంచి నవంబర్ 13 వరకు పొట్టి ప్రపంచకప్ జరగనుంది.
ఇదీ చదవండి: IND VS ENG: రోహిత్ స్థానంలో ఆ ప్లేయర్కు చోటు
