న్యూజిలాండ్తో జరుగుతున్న ఆఖరి టీ20లో టీమ్ఇండియా కెప్టెన్ రోహిత్ శర్మ (56) అర్ధ శతకంతో రాణించాడు. మరో ఓపెనర్ ఇషాన్ కిషన్తో (29) కలిసి దూకుడుగా ఆడాడు. దీంతో నిర్ణీత 20 ఓవర్లలో 7 వికెట్లు కోల్పోయి 184 పరుగులు చేసింది భారత్. దీంతో కివీస్ ముందు 185 పరుగుల భారీ లక్ష్యాన్ని నిలిపింది. శ్రేయస్ అయ్యర్ (25), వెంకటేశ్ అయ్యర్ (20) ఫర్వాలేదనిపించారు. ఆఖర్లో హర్షల్ పటేల్ (18), దీపక్ చాహర్ (21) మెరుపులు మెరిపించారు.
కివీస్ బౌలర్లలో సాంట్నర్ 3 వికెట్లు, బౌల్ట్, మిల్నే, సోధీ, ఫెర్గూసన్ తలో వికెట్ తీశాడు.
గంటకొట్టిన దాదా..
కోల్కతాలోని ఈడెన్ గార్డెన్స్లో జరుగుతున్న ఈ మ్యాచ్ను గంట కొట్టి ప్రారంభించారు బీసీసీఐ అధ్యక్షుడు సౌరవ్ గంగూలీ. బెంగాల్ క్రికెట్ సంఘం అధ్యక్షుడిగా ఉన్నప్పుడు దాదానే ఈ సంప్రదాయాన్ని ప్రారంభించారు. లార్డ్స్ తరహాలో ఉన్న ఈ ఆచారం.. భారత్లో మరెక్కడా లేదు. అయితే బీసీసీఐ అధ్యక్ష పదవి చేపట్టిన అనంతరం.. తొలిసారి ఆ గంటను కొట్టి మ్యాచ్ను ప్రారంభించారు గంగూలీ.
ఇదీ చూడండి: రోహిత్ ప్రపంచ రికార్డు- కోహ్లీని వెనక్కునెట్టి..
