ప్రపంచ టెస్టు ఛాంపియన్షిప్ రెండో ఎడిషన్ పాయింట్ల పట్టికలో భారత్, ఇంగ్లాండ్ ఖాతా తెరిచాయి. తొలి టెస్టు వర్షం కారణంగా డ్రాగా ముగిసింది. దీంతో ఇరు జట్లకు చెరో నాలుగు పాయింట్లు లభించాయి.
డబ్ల్యూటీసీ-2 (2021-2023) కోసం కొత్త పాయింట్ల పద్ధతిని ఇదివరకే ప్రకటించింది అంతర్జాతీయ క్రికెట్ కౌన్సిల్ (ఐసీసీ). పర్సెంటేజ్ ఆఫ్ పాయింట్ల ప్రకారం జట్లకు ర్యాంకులు ఇవ్వనున్నట్లు తెలిపింది. గెలిచిన ప్రతి మ్యాచ్కు 12 పాయింట్లు వస్తాయని వెల్లడించింది.
ఈ కొత్త పద్ధతి ప్రకారం గెలిచిన ప్రతి మ్యాచ్కు 12 పాయింట్లు, పర్సెంటేజ్ రూపంలో 100 పాయింట్లు ఇస్తారు. టై అయితే (6 పాయింట్లు, 50 శాతం), డ్రా (4 పాయింట్లు, 33.33 శాతం), ఓడిన మ్యాచ్కు (0 పాయింట్లు, 0 శాతం) ఉంటాయి. మ్యాచ్ల సంఖ్య ఆధారంగా సిరీస్ పాయింట్లను కేటాయిస్తారు.
ఇదీ చదవండి: Ind vs Eng: ఐదో రోజు సాగని ఆట.. తొలి టెస్టు డ్రా
