INDW vs AUSW: చారిత్రక డేనైట్​ టెస్టుకు రంగం సిద్ధం

ఆస్ట్రేలియా మహిళా జట్టు, భారత మహిళా జట్టు(INDW vs AUSW Test) మధ్య చారిత్రక గులాబి టెస్టుకు రంగం సిద్ధమైంది. గురువారం (సెప్టెంబర్ 30) ఉదయం 10 గంటలకు ఈ మ్యాచ్ ప్రారంభంకానుంది. ఈ నేపథ్యంలో మ్యాచ్ ప్రత్యక్ష ప్రసారం, పిచ్ పరిస్థితి వంటి అంశాలపై ఓ లుక్కేద్దాం.

ఆస్ట్రేలియా మహిళా జట్టుతో చారిత్రక డేనైట్ టెస్టులో తలపడేందుకు సిద్ధమైంది భారత మహిళా జట్టు(INDW vs AUSW Test). భారత్​కు ఇదే తొలి గులాబి బంతి టెస్టు. 2019 తర్వాత ఆస్ట్రేలియాకు ఇదే తొలి టెస్టు కాగా ఈ ఏడాది ఇంగ్లాండ్​తో టెస్టు డ్రా చేసుకున్న మిథాలీ సేనకు ఇది రెండో టెస్టు. ఇరుజట్లు ఈ మ్యాచ్​లో గెలిచేందుకు ప్రణాళికల్ని రచిస్తున్నాయి. ఈ నేపథ్యంలో ఈ మ్యాచ్​ సమయం, పిచ్ పరిస్థితి వంటి అంశాలు చూద్దాం.

వేదిక: కర్రారా ఓవల్, కర్రారా

తేదీ, సమయం: సెప్టెంబర్ 30-అక్టోబర్ 3, ఉదయం 10గంటల నుంచి ప్రారంభం

ప్రత్యక్ష ప్రసారం - సోనీ స్పోర్ట్స్ నెట్​వర్క్

పిచ్ : క్వీన్స్​లాండ్​లోని కర్రారా ఓవల్ ఇప్పటివరకు ఒకే ఒక అంతర్జాతీయ మ్యాచ్​కు అతిథ్యమిచ్చింది. ఈ వేదికలో ఎక్కువగా బిగ్​బాష్ మ్యాచ్​లు జరిగాయి. ఈ పిచ్​పై బంతితో పాటు బ్యాట్​తోనూ రాణించారు ఆటగాళ్లు. దీంతో ఈ పింక్ టెస్టులో కూడా అటు బ్యాటర్లు, ఇటు బౌలర్లకు సమాన అవకాశాలు లభిస్తాయని విశ్లేషకులు అభిప్రాయపడుతున్నారు.

జట్లు (అంచనా)

ఆస్ట్రేలియా మహిళలు

అలిసా హేలీ, బెత్ మూనీ, మెగ్ లానింగ్ (కెప్టెన్), ఆష్లే గార్డ్​నర్, ఎలిసా పెర్రీ, తహిలా మెక్​గ్రాత్, సోఫీ మోలినెక్స్, అన్నాబెల్ సదర్​లాండ్/జార్జియా వారెహామ్, డార్సీ బ్రౌన్, స్టెల్లా క్యాంప్​బెల్, మొల్లీ స్ట్రానో

భారత మహిళలు

స్మృతి మంధాన, షెఫాలీ వర్మ, పూనమ్ రౌత్, శిఖా పాండే, మిథాలీ రాజ్ (కెప్టెన్), దీప్తి శర్మ, రిచా ఘోష్, తానియా భాటియా, స్నేహ్ రానా, పూజా వస్త్రాకర్, జులాన్ గోస్వామి.