IND VS WI second ODI: వెస్టిండీస్తో జరుగుతోన్న రెండో వన్డేలో టీమ్ఇండియా బ్యాటర్లు ఆచీతూచీ ఆడారు. నిర్ణీత 50 ఓవర్లలో 9 వికెట్లు కోల్పోయి 237 పరుగులు చేశారు. సూర్యకుమార్ యాదవ్(64) హాఫ్ సెంచరీతో మెరవగా.. మిగలిన వారు ఫర్వాలేదనిపించారు. విండీస్ బౌలర్లలో ఒడియన్ స్మిత్ 2, అల్జార్రీ జోసెఫ్ 2, కీమర్ రోచ్, జాసన్ హోల్డర్, అకీల్ హోసేన్, ఫబియన్ అలెన్ తలో వికెట్ తీశారు.
మ్యాచ్ సాగిందిలా..
టాస్ ఓడి బ్యాటింగ్కు దిగిన టీమ్ఇండియాకు ఆదిలోనే ఎదురుదెబ్బ తగిలింది. రోచ్ వేసిన మూడో ఓవర్ చివరి బంతికి కెప్టెన్ రోహిత్ శర్మ(5) పెవిలియన్ చేరాడు. అతడు వికెట్ల వెనుక కీపర్కు చిక్కడం వల్ల భారత్ 9 పరుగుల వద్ద తొలి వెకెట్ నష్టపోయింది. ఇక ఓపెనర్గా వచ్చిన రిషభ్ పంత్(18).. ఓడియన్ స్మిత్ వేసిన 11.1 ఓవర్కు భారీ షాట్కు యత్నించి హోల్డర్ చేతికి చిక్కాడు. దీంతో భారత్ 39 పరుగుల వద్ద రెండో వికెట్ను కోల్పోయింది. 12 ఓవర్లో కోహ్లీ(18) ఔట్ అయ్యాడు.
ఇక జాగ్రత్తగా ఆడుతున్న కేఎల్ రాహుల్(49).. కీమర్ రోచ్ వేసిన 30వ ఓవర్ నాలుగో బంతికి పరుగు తీసే క్రమంలో రనౌట్ అయ్యాడు. ధనాధన్ ఇన్నింగ్స్ ఆడిన సూర్యకుమార్ యాదవ్(64) ఫేబియన్ అలెన్ వెసిన 39వ ఓవర్ ఐదో బంతికి క్యాచ్ ఇచ్చి ఔట్ అయ్యాడు. శార్దూల్ ఠాకూర్(8), మహ్మద్ సిరాజ్(3), దీపక్ హుడా(29) పెవిలియన్ చేరారు.
ఇదీ చూడండి: ఐపీఎల్ ప్రారంభ మ్యాచ్లకు ఆ స్టార్స్ దూరం!
