Rohith comments on winning IND VS WI: వెస్టిండీస్తో జరిగిన మూడో టీ20లోనూ గెలిచి సిరీస్ను సొంతం చేసుకుంది టీమ్ఇండియా. ఆఖరి మ్యాచ్లో 17 పరుగుల తేడాతో విజయం సాధించింది. ఈ విజయంపై కెప్టెన్ రోహిత్ శర్మ హర్షం వ్యక్తం చేశాడు. యువ ఆటగాళ్లు అద్భుతంగా ఆడారని కితాబిచ్చాడు.
"ఛేదించగలిగే పూర్తిస్థాయి జట్టు ఇక్కడ లేకపోయినప్పటికీ ఛేదనలో గెలవాలనుకున్నాం. ఎందుకంటే మిడిలార్డర్లో అందరూ కొత్తవాళ్లే. అలానే ఈ జట్టు ఛేదన కూడా చేయగలదని నిరూపించింది. ఈ సిరీస్ గెలవడం ఆనందంగా ఉంది. మేము అనుకున్నది సాధించగలిగాం. ఈ మ్యాచ్కు పలువురు కీలక ఆటగాళ్లు దూరమయ్యారు. దీంతో ఈ పోరులో తీవ్ర ఒత్తిడి ఎదురైతే ఎలా పోరాడాలో ముందే మాట్లాడుకున్నాం. ఈ క్రమంలోనే యువ ఆటగాళ్లు క్లిష్ట పరిస్థితుల్లో జట్టును ఆదుకున్నారు. ఇది అభినందించదగ్గ విషయం. ముఖ్యంగా మిడాలార్డర్ బ్యాటర్లు వన్డేలతో పాటు ఈ సిరీస్లోనూ రాణించారు. బౌలింగ్లో హర్షల్ పటేల్ అదరగొట్టాడు. ఈ మ్యాచ్లో అవేశ్ ఖాన్ అరంగేట్రం చేశాడు. శార్దూల్ జట్టులోకి వస్తూ పోతూ ఉన్నాడు. దీంతో వాళ్లకు అవకాశం ఇవ్వడం పెద్ద సవాలు లాంటిది. వెస్టిండీస్ లాంటి జట్టుపై ఆడటం అంటే బ్యాటింగ్, బౌలింగ్కు పరీక్ష పెట్టినట్లే. వాళ్లు బ్యాటింగ్ బాగా చేశారు. అయినా చివరి రెండు మ్యాచ్‌ల్లో వాళ్లను ఓడించడం సవాల్గా అనిపించింది. ఇక శ్రీలంక సిరీస్‌కు ఇద్దరు ఆటగాళ్లు మిస్సయ్యారు. వారిని తాజాగా ఉంచేందుకే ఈ నిర్ణయం తీసుకున్నాం. అలాగే ఈ ఏడాది టీ20 ప్రపంచకప్‌ కూడా ఉండటం వల్ల దాన్ని దృష్టిలోపెట్టుకొని కొంతమంది యువకులకు వ్యక్తిగతంగా అవకాశాలివ్వాలని భావించాం. ఇక శ్రీలంకతో పరిస్థితులు మరోలా ఉంటాయి, ఆ జట్టుతో సవాళ్లు ఎదురువుతాయి. అయితే, నేను ప్రత్యర్థిని చూసి భయపడే రకం కాదు. ఒక జట్టుగా మేం ఎలా ఆడగలమనేదే ఆలోచిస్తా. ప్రస్తుతం మా జట్టులో ఫీల్డింగ్‌, క్యాచింగ్‌ విషయాల్లో తప్పులు సరిదిద్దుకోవాల్సి ఉంది. త్వరలోనే వాటిని సరిచేసుకుంటామనే నమ్మకం ఉంది"
-కెప్టెన్ రోహిత్ శర్మ.
కాగా, ఈనెల 24న భారత్-శ్రీలంక టీ20 సిరీస్ ప్రారంభం కానుంది. తొలి మ్యాచ్కు లఖ్నవూ ఆతిథ్యమివ్వనుంది. తర్వాత రెండు మ్యాచులు ధర్మశాలలో జరగనున్నాయి. అనంతరం మార్చి 4-8 వరకు మొహలీలో తొలి టెస్టు, మార్చి 12-16 వరకు బెంగళూరులో రెండో టెస్టును బీసీసీఐ నిర్వహిస్తుంది.
ఇదీ చూడండి: సూర్య కుమార్‌ సిక్సర్ల వర్షం.. పొలార్డ్‌ చప్పట్లు
