IND Vs SL World Cup 2023 : వరల్డ్కప్లో భాగంగా వాంఖడే స్టేడియంలో శ్రీలంకతో జరుగుతున్న మ్యాచ్లో భారత బౌలర్లు అదరగొట్టారు. 358 పరుగుల లక్ష్యంతో బరిలోకి దిగిన శ్రీలంకను భారత బౌలర్లు చుక్కలు చూపించారు. దీంతో శ్రీలంక 19.4 ఓవర్లలో కేవలం 55 పరుగులకే కుప్పకూలింది. మహ్మద్ షమీ 18 పరుగులిచ్చి 5 వికెట్లు తీయగా.. పేసర్ మహ్మద్ సిరాజ్ 16 పరుగులు ఇచ్చి 3 వికెట్లు పడగొట్టాడు. మరో బౌలర్ జస్ప్రీత్ బుమ్రా ఒక వికెట్ తీశాడు. ఇప్పటికే ఆరు విజయాలు సాధించిన టీమ్‌ఇండియా.. తాజాగా శ్రీలంకను 302 పరుగుల తేడాతో చిత్తుచిత్తుగా ఓడించి అధికారికంగా సెమీస్‌కు దూసుకెళ్లింది. వన్డేల్లో పరుగుల పరంగా భారత్‌కిది నాలుగో అతిపెద్ద విజయం. ఈ ఓటమితో శ్రీలంక అధికారికంగా సెమీస్ రేసు నుంచి నిష్క్రమించింది.
India Vs Sri Lanka World Cup 2023 : అంతకుముందు టాస్ ఓడి బ్యాటింగ్కు దిగిన భారత బ్యాటర్లు నిర్ణీత 50 ఓవర్లలో 8 వికెట్ల నష్టానికి 357 పరుగులు చేశారు. ఓపెనర్ రోహిత్ శర్మ (4) ఈసారి తక్కువ పరుగులకే ఔట్‌ కాగా.. మరో ఓపెనర్ శుభ్మన్ గిల్ (92; 92 బంతుల్లో 11 ఫోర్లు, 2 సిక్స్‌లు), కింగ్ విరాట్ కోహ్లీ (88; 94 బంతుల్లో 11 ఫోర్లు) చక్కని ఇన్నింగ్స్‌ ఆడారు. వీరిద్దరూ రెండో వికెట్‌కు 189 పరుగుల భారీ భాగస్వామ్యాన్ని నెలకొల్పారు.
ఇద్దరూ శతకాల దిశగా దూసుకెళ్తున్న సమయంలో దిల్షాన్‌ మధుశంక వీరి జోడిని విడదీయడమే కాకుండా.. విరాట్ కోహ్లీని కూడా పెవిలియన్‌కు పంపాడు. తర్వాత క్రీజులోకి వచ్చిన శ్రేయస్ అయ్యర్ (82; 56 బంతుల్లో 3 ఫోర్లు, 6 సిక్స్‌లు) భారీ ఇన్నింగ్స్‌ ఆడి జట్టు స్కోరు 300 దాటడంలో ముఖ్య పాత్ర పోషించాడు. కేఎల్ రాహుల్ (21; 19 బంతుల్లో 2 ఫోర్లు), రవీంద్ర జడేజా 34(23)ఫర్వాలేదనపించారు. శ్రీలంక బౌలర్లలో మధుశంక 5, దుష్మంత చమీర ఒక వికెట్ పడగొట్టారు.
లంకపై విరుచుకుపడ్డ విరాట్, శుభ్మన్ తెందూల్కర్ రికార్డు బ్రేక్ చేసిన కింగ్ కోహ్లీ
16 సెంచరీలతో విరాట్ - రోహిత్ దండయాత్ర - లంకపై ఆ ఘనత సాధించింది వీరే
