టీమ్ ఇండియా.. శ్రీలంక చేతిలో టీ-20 సిరీస్ ఓడింది. వన్డే సిరీస్ను 2-1 తేడాతో గెల్చిన యువభారత్.. పొట్టి ఫార్మాట్లో మాత్రం మెరుగైన ప్రదర్శన చేయలేకపోయింది. అయితే ప్రధాన ఆటగాళ్లు లేని ఆ జట్టులో అనుభవలేమి దెబ్బతీసిందని చెప్పొచ్చు. ధావన్, భువనేశ్వర్, కుల్దీప్ యాదవ్ మినహా అంతా కొత్తవాళ్లే. ఇదే మంచి అవకాశంగా భావించిన.. లంక జట్టు సమష్టి ప్రదర్శనతో టీ-20 ట్రోఫీని ఎగరేసుకుపోయింది.
ఈ మ్యాచ్లో నమోదైన గణాంకాలు ఓ సారి పరిశీలిద్దాం..
2019 నుంచి టీమ్ ఇండియాకు టీ-20 సిరీస్ ఓటమే లేదు. మొత్తం 8 సిరీస్లకు 7 గెలిచి, ఒకటి డ్రా చేసుకుంది. ఈ వరుస విజయాల రికార్డుకు ఇప్పుడు బ్రేక్ పడింది.
- భారత్పై గెలుపుతో టీ-20 సిరీస్ పరాజయాలకు బ్రేక్ వేసింది లంక. గత ఐదు టీ-20 సిరీస్లలోనూ లంక ఓడింది.
- 2008 ఆగస్టు తర్వాత.. శ్రీలంక, ఇండియాపై ఓ ద్వైపాక్షిక సిరీస్(అన్ని ఫార్మాట్లు) గెలవడం ఇదే తొలిసారి.
- ఈ సిరీస్కు ముందు మొత్తం 13 సంవత్సరాల్లో 20 సిరీస్లు జరగ్గా.. అన్నింటా టీమ్ ఇండియాదే పైచేయి.
- 21వ ప్రయత్నంలో సఫలమైంది శ్రీలంక.
- ద్వైపాక్షిక టీ-20 సిరీస్ల పరంగా చూసుకుంటే.. ఇది 8వ సారి.
- గత 7 సిరీస్ల్లోనూ భారత్ చేతిలో లంకేయులు టీ-20 సిరీస్ల్లో ఓడారు.ధావన్ను ఔట్ చేసిన చమీరా
టీ-20ల్లో తమ మూడో అత్యల్ప స్కోరు నమోదు చేసింది టీమ్ ఇండియా. ఆస్ట్రేలియాపై 2008లో చేసిన 74 పరుగులే ఇప్పటివరకు భారత్కు టీ-20ల్లో అత్యల్ప స్కోరు.
- 74(ఆస్ట్రేలియాపై)- మెల్బోర్న్-2008
- 79(న్యూజిలాండ్పై)- నాగ్పుర్- 2016
- 81/8(శ్రీలంకపై)- కొలంబో 2021
- 92(సౌతాఫ్రికాపై)- కటక్-2015
20 ఓవర్లు ఆడి.. తక్కువ స్కోరు చేసిన జట్లు..
- వెస్టిండీస్- 79/7 (జింబాబ్వేపై)- 2010
- ఇండియా- 81/8 (శ్రీలంకపై)- 2021
- బంగ్లాదేశ్- 85/9 (పాకిస్థాన్పై)- 2011
- ఐర్లాండ్- 85/8(వెస్టిండీస్పై)- 2014సిరీస్లో అద్భుతంగా రాణించిన దనంజయ డి సిల్వా
బర్త్ డే ఘనత..
పుట్టినరోజు నాడు టీ-20ల్లో అత్యుత్తమ ప్రదర్శన చేసిన ఆటగాడిగా నిలిచాడు శ్రీలంక బౌలర్ వనిందు హసరంగ. 4 ఓవర్లలో 9 పరుగులిచ్చి 4 వికెట్లు తీశాడీ స్పిన్నర్.
2014లో ఇమ్రాన్ తాహిర్ (4/21), 2019లో యువరాజ్ సింగ్ (3/23) బర్త్ డే రోజు మంచి ప్రదర్శనలు చేశారు.
ఫోర్ లేకుండా 32 బంతులు..
మొత్తం స్పిన్కు అనుకూలించిన కొలంబో ప్రేమదాస స్టేడియంలో.. బౌండరీలు రావడమే గగనమైంది. టీమ్ఇండియా మొత్తంగా 4 ఫోర్లు, శ్రీలంక 5 ఫోర్లు కొట్టింది.
ఓ టీ-20 ఇన్నింగ్స్లో ఎక్కువ బంతులు ఆడి.. బౌండరీ సాధించని ఆటగాడిగా నిలిచాడు భువనేశ్వర్. మొత్తం 32 బంతులాడిన భువీ.. 16 పరుగులు చేశాడు. ఇందులో ఒక్క ఫోరు కూడా లేదు.
అంతకుముందు 2008లో ఆస్ట్రేలియాపై ఇర్ఫాన్ పఠాన్ 30, ధోనీ 27 బంతులాడి బౌండరీ కొట్టలేకపోయారు.
సిరీస్ కైవసం..
భారత్‌తో జరిగిన మూడో టీ20లో ఆతిథ్య శ్రీలంక ఏడు వికెట్ల తేడాతో ఘన విజయం సాధించడమే కాకుండా సంచలనంగా సిరీస్ కైవసం చేసుకుంది. భారత్ నిర్దేశించిన 82 పరుగుల స్వల్ప లక్ష్యాన్ని శ్రీలంక 3 వికెట్లు కోల్పోయి 14.3 ఓవర్లలో ఛేదించింది. ధనంజయ డిసిల్వ (23 నాటౌట్‌; 20 బంతుల్లో 2x4), వానిండు హసరంగ (14 నాటౌట్‌; 9 బంతుల్లో 1x4) చివరి వరకు క్రీజులో నిల్చొని జట్టును విజయతీరాలకు చేర్చారు.
ఇవీ చూడండి:
