Ind vs SL: టీమ్ఇండియా పర్యటన నేపథ్యంలో శ్రీలంక జట్టుకు గట్టి ఎదురుదెబ్బ తగిలింది. ఆ జట్టు ఆల్రౌండర్ వనిందు హసరంగ కరోనా బారినపడ్డాడు. దీంతో ఫిబ్రవరి 24 నుంచి జరగబోయే మూడు మ్యాచ్ల టీ20 సిరీస్కు అతడు దూరం కానున్నాడు.
ఇదివరకే కొవిడ్ బారినపడి ఐసోలేషన్లో ఉన్న హసరంగ.. ఫిబ్రవరి 22న చేసిన పరీక్షల్లోనూ పాజిటివ్గా తేలాడు. కాగా, ఈ సిరీస్కు ఇద్దరు భారత ఆటగాళ్లు కూడా దూరమయ్యారు. గాయాల కారణంగా పేసర్ దీపక్ చాహర్, సూర్యకుమార్ యాదవ్ తప్పుకున్నారు.
ఇదీ షెడ్యూల్..
లంకతో స్వదేశంలో మూడు టీ20లు, రెండు టెస్టులు ఆడనుంది టీమ్ఇండియా. ఫిబ్రవరి 24, 26, 27వ తేదీల్లో టీ20లు.. మార్చి 4-8 వరకు తొలి టెస్టు, మార్చి 12-16 వరకు రెండో టెస్టు మ్యాచ్ జరగనుంది.
ఇదీ చూడండి: IPL 2022: దిల్లీ క్యాపిటల్స్ కోచ్లుగా షేన్ వాట్సన్, అగార్కర్!
