'ఫ్లైట్​ ఎక్కి దిగేలోపు విధ్వంసం!'- ఒకేరోజు 23 వికెట్లు కూలడంపై సచిన్ ఇంట్రెస్టింగ్ ట్వీట్

IND vs SA 2nd Test : ఒకే రోజు 23 వికెట్లు తీయడంపై టీమ్ఇండియా దిగ్గజ క్రికెటర్ సచిన్ తెందూల్కర్ ఆశ్చర్యం వ్యక్తం చేశారు. ప్లైట్ ఎక్కిదిగేలోపు ఏం జరిగింది అంటూ ఇంట్రెస్టింగ్ ట్వీట్ చేశారు.

IND vs SA 2nd Test : కేప్​టౌన్ వేదికగా జరుగుతున్న రెండో టెస్ట్​ మ్యాచ్​లో భారత్​, సౌతాఫ్రికా తలపడుతున్నాయి. అయితే తొలిరోజు మ్యాచ్​ రసవత్తరంగా జరిగింది. ఇరు జట్లు తొలి ఇన్నింగ్స్​లు పూర్తై, దక్షిణాఫ్రికా రెండో ఇన్నింగ్స్​ కూడా మొదలు పెట్టింది. అయితే ఈ మ్యాచ్​లో మొదటి రోజే 23 వికెట్లు కుప్పకూలాయి. దీంతో తొలిరోజు అత్యధిక వికెట్లు పడిన రెండో మ్యాచ్​గా నిలిచింది. దీనిపై మాజీ దిగ్గజం సచిన్ తెందూల్కర్ ఇంట్రెస్టింగ్ ట్వీట్​ చేశారు. తాను ఫ్లైట్​ ఎక్కి దిగేలోపు ఏం జరిగిందని ఆశ్చర్యపోయారు.

'2024లో క్రికెట్ ఒకే రోజు 23 వికెట్లు తీయడంతో మొదలైంది. అది నమ్మశక్యంగా లేదు. నేను దక్షిణాఫ్రికా ఆలౌట్ అయినప్పుడు ఫ్లైట్​ ఎక్కాను. ఇప్పుడు నేను ఇంట్లో ఉన్నాను. దక్షిణాఫ్రికా 3 వికెట్లు కోల్పోయినట్లు టీవీ చూపిస్తోంది. ఇంతకీ నేను ఏం మిస్​ అయ్యాను' అంటూ ఫన్నీగా పోస్టు పెట్టారు మాస్టర్ బ్లాస్టర్.

• Cricket in ‘24 begins with 23 wickets falling in a single day.
  Unreal!
  Boarded a flight when South Africa was all out, and now that I'm home, the TV shows South Africa has lost 3 wickets.
  What did I miss?#SAvIND

  — Sachin Tendulkar (@sachin_rt) January 3, 2024 " class="align-text-top noRightClick twitterSection" data="

  Cricket in ‘24 begins with 23 wickets falling in a single day.
  Unreal!
  Boarded a flight when South Africa was all out, and now that I'm home, the TV shows South Africa has lost 3 wickets.
  What did I miss?#SAvIND

  — Sachin Tendulkar (@sachin_rt) January 3, 2024

  ">

  Cricket in ‘24 begins with 23 wickets falling in a single day.
  Unreal!
  Boarded a flight when South Africa was all out, and now that I'm home, the TV shows South Africa has lost 3 wickets.
  What did I miss?#SAvIND

  — Sachin Tendulkar (@sachin_rt) January 3, 2024

IND Vs SA Test 2024 : ఈ మ్యాచ్​లో దక్షిణాఫ్రికా టాస్​ గెలిచి బ్యాటింగ్ ఎంచుకుంది. తొలి ఇన్నింగ్స్​లో ఫస్ట్ సెషన్​లోనే ప్రత్యర్థిని 55 పరుగులకు ఆలౌట్​ చేసింది టీమ్ఇండియా. భారత బౌలర్ మహ్మద్ సిరాజ్ 6 వికెట్లతో విరుచుకుపడ్డాడు. కానీ బ్యాటింగ్​లో మాత్రం భారత్ ప్రభావం చూపలేకపోయింది. 34.5 ఓవర్లలో 153 పరుగులకు కుప్పకూలింది. అయితే 153 పరుగుల వద్దే ఆరు వికెట్లు కొల్పోవడం నిరాశపరిచింది.

టీమ్ఇండియా తొలి ఇన్నింగ్స్​లో కెప్టెన్ రోహిత్ శర్మ (39), యంగ్ బ్యాటర్ శుభ్​మన్ గిల్ (36), విరాట్ కోహ్లీ (46) మినహా మిగతూ వాళ్లు సింగిల్ డిజిట్ స్కోర్​కే పెవిలియన్ చేశారు. ముఖ్యంగా ఓపెనర్లు యశస్వీ జైశ్వాల్ , శ్రేయస్ అయ్యర్ డకౌట్ కావడం గమనార్హం. సఫారీ బౌలర్లలో లుంగి ఎంగ్డీ, కగిసో రబాడా, బర్గర్ తలో మూడు వికెట్లు దక్కించుకున్నారు. ఆ తర్వాత బ్యాటింగ్​కు దిగిన దక్షిణాఫ్రికా తొలి రోజు ఆట ముగిసేసరికి 3 వికెట్లు కోల్పోయి 62 పరుగులు చేసింది. ఓపెనర్ ఎయిడెన్ మార్​క్రమ్ (36), డేవిడ్ బెడింగమ్ (7) పరుగులతో క్రీజులో ఉన్నారు. ప్రస్తుతం భారత్ 36 పరుగుల అధిక్యంలో ఉంది.