Worldcup 2022 ind vs pak match: ఐసీసీ మహిళల వన్డే ప్రపంచకప్లో టీమ్ఇండియా శుభారంభం చేసింది. ఈ మెగాటోర్నీలో భాగంగా నేడు పాకిస్థాన్తో జరిగిన మ్యాచ్లో మన అమ్మాయిలు ఘన విజయం సాధించారు. ప్రత్యర్థి జట్టుపై 107 పరుగుల తేడాతో గెలిచారు.
245 పరుగుల లక్ష్యంతో బరిలోకి దిగిన పాకిస్థాన్ జట్టు బ్యాటర్లు తడబడ్డారు. కేవలం 137 పరుగులకే ఆలౌటయ్యారు. పాక్ ఓపెనర్ సిద్రా అమీన్(30) టాప్ స్కోరర్గా నిలిచింది. భారత బౌలర్లు కట్టుదిట్టంగా బంతులేయడం వల్ల మిగతా బ్యాటర్లు చేతులెత్తేశారు. రాజేశ్వరి గైక్వాడ్ 4, ఝలన్ గోస్వామి, స్నేహ్ రానా తలో రెండు, దీప్తి శర్మ, మేఘనా సింగ్ తలో ఒక్క వికెట్లు పడగొట్టారు.
అంతకుముందు టాస్ గెలిచి బ్యాటింగ్ ఎంచుకున్న భారత్ జట్టు ఏడు వికెట్లు కోల్పోయి 244 పరుగులు సాధించింది. పూజా వస్త్రాకర్(67), స్నేహ్ రానా(53*), స్మృతి మంధాన(52) అర్ధ శతకాలతో రాణించారు.
ఇదీ చదవండి: IND VS SL: జడేజా మాయాజాలం.. 174కే లంక ఆలౌట్
